2 MaKro. 1:2 - Bhaibheri Rakachena muChindau

² Soromoni wakadaidza vaIsuraeri veshe, nduna dzemakumi emazana nedzemazana, vatongi veshe, nevatungamiriri veshe vaIsuraeri nevakuru vemhatso dzemadzibaba.

2 MaKro. 1:2 Iomraidhean Croise

1 Madzi. 3:4

Mambo wakaenda Gibheoni koopirayo mudiro, ngokuti ndiyo yaiya ndau huru yakakwirira. Soromoni wakapira paarita iro midiro gumi remazana.

1 MaKro. 13:1

Dhavhidha wakapangana nenduna dzegumi remazana nedzemazana nevatungamiriri veshe.

1 MaKro. 15:12

Wakati kwevari, “Imwimwi muri vakuru vemhatso dzemadzibaba evaRevhi; dzichenesenyi imwimwi nehama dzenyu, kuti mukwidze bhokisi rechitenderano chaMambo Mwari, Mwari waIsuraeri, kundau yaro yendakarinasirira.

1 MaKro. 15:3

Dhavhidha wakaunganidza pamwepo vaIsuraeri veshe muJerusarema, kuti vakwidze bhokisi rechitenderano chaMambo Mwari kundau yaro, yaakarinasirira.

1 MaKro. 24:31

Ava vakaitawo mabhigidha kudai ngehama dzavo, mibarirwana yaAroni, mukuona kwaDhavhidha mambo, Zadhoki, Ahimerekhi, nevakuru vemhatso dzemadzibaba evapristi nevaRevhi, vakaitira vakuru, kudai ngezvevakaitira vadoko vavo.

1 MaKro. 24:4

Ngokuti vakuru vakaoneka kuti vaiya vakawanda pakati pevakororo vaEreaza kupinda vakororo vaIthama, vakavaronga muzvikwata zvaikwana gumi nezvitanhatu vakuru vemhatso dzemadzibaba avo vevakororo vaEreaza, nezvisere pakati pevakororo vaIthama.

1 MaKro. 27:1

Uhu ndihwo urongwa hwevana vaIsuraeri, vakuru vemhatso dzemadzibaba avo, nduna huru dzemakumi emazana, dzemazana, nenduna dzaishandira mambo mumbeu dzeshe dzemishando yezvikwata zvemabingo akauya nokubuda, mwedzi ngomwedzi mumwedzi yeshe yegore; chikwata chimwe ngachimwe chaiya nemakumi mairi nemarongomuna emakumi emazana (24,000).

1 MaKro. 28:1

Dhavhidha wakaunganidza muJerusarema vatungamiriri veshe vaIsuraeri, vatungamiriri vemadzinza, nduna dzezvikwata dzaishandira mambo, nduna dzaiya padera pemakumi emazana, nduna dzaiya padera pemazana, vangwariri vepfuma yeshe, nepadera pezvifuyo zveshe zvamambo nevakororo vake, pamwepo nevakuru vengome, ngwazi dzehondo nevarwi vehondo veshe.

1 MaKro. 29:1

Dhavhidha mambo wakati kunembungano yeshe, “Soromoni mukororo wangu, uwo ega waakatsanangura Mwari, uchiri mudoko, aasati azia chiro, nomushando mukuru; ngokuti temperi arisiri romunhupi, asi ngeraMambo Mwari, Mwari.

2 MaKro. 1:3

Zvino Soromoni nembungano yeshe yaiya naye, vakakwira kuenda kundau yakakwirira paGibheoni; ngokuti tende romushongano raMwari, iro rakaitwamwo ndiMosi, muranda waMambo Mwari, mushango raiyapo.

2 MaKro. 29:20

Zvino mambo Hezekia wakamuka mangwanani maishi, akaunganidza vatongi veshe vemadhorobha, navo vakakwira kumhatso yaMambo Mwari.

2 MaKro. 30:2

Ngokuti mambo nevakuru vake, nembungano yeshe muJerusarema vaiya vapangana kuti vangwarire Phasika ngomwedzi wechipiri