1 MaKro. 5:2 - Bhaibheri Rakachena muChindau

² Kunyazwi Judha wakaita mukuru pakati pevana vababa ake, nomutongi wakabva kwaari, asi nhaka youtangwe yaiya yaJosefa.)

1 MaKro. 5:2 Iomraidhean Croise

Gen. 25:31

Jakobe wakati kwaari, “Kutanga nditengesere udangwe hwako.”

Gen. 35:23

Vakororo vaRea vaiya Rubheni, dangwe raJakobe, Simeoni, Revhi, Judha, Isakha, naZebhuruni.

Gen. 48:5

Zvino vakororo vako vairi vewakabarirwa munyika yeEgipite ndisati ndauya kwouri muEgipite, ngevangu; Efuremu naManase vanozoita vangu kudai ndiRubheni naSimeoni ngevangu.

Gen. 49:26

Zvifumiso zvababa ako zvakagwinya kupinda zvifumiso zvamadzibaba angu metsa kuguma kumugano wokugumisira wezvimitunhu zvemhera nariini; ngazvigare padera pesoro raJosefa nepadera penhuvhuma yesoro rouwo wakaparadzaniswa nevana vababa ake.

2 Sam. 8:15

Ndizvo Dhavhidha wakatonga vaIsuraeri veshe; naDhavhidha wakaemesa kutonga kwakwo kwakarurama kuvanhu vake veshe.

1 MaKro. 28:4

Asi Mambo Mwari, Mwari waIsuraeri, wakanditsanangura pamberi pemhatso yababa angu yeshe kuti ndiite mambo padera paIsuraeri mhera nariini; ngokuti wakatsanangura Judha kuita mutungamiriri, nomumhatso yaJudha, mhatso yababa angu; nepakati pevakororo vababa angu wakandida kuti ndiite mambo padera paIsuraeri peshe.

Nduyo 108:8

Gireadhi ngerangu; Manase ngerangu; Efuremu chiquoko changu; Judha indonga yangu youmambo.

Nduyo 60:7

Gireadhi ngerangu, Manase ngerangu; Efuremu chiquoko changu; Judha indonga yangu youmambo.

Mik. 5:2

“Asi iwewe, Bhetherehema Efratha, umwe wemadzinza madoko aJudha, kubva kwouri unozondibudira umwe unozoita mutongi muIsuraeri, uwo maambo ake ngeekaretu, kubva kumazuva ekaretu.”

Zvi. 2:3

Avo vanozoemesa matende avo ngokumabvazuva nokunobudazuva, vanozoita vechioniso chekamba raJudha ngezvikwata zvavo. Nashoni mukororo waAminadhabhi unozoita nduna yevana vaJudha.

Zvi. 7:12

Umwe wakapa zvipo zvake ngezuva rokutanga ndiNashoni mukororo waAminadhabhi, wedzinza raJudha.

Mateu 2:6

‘Iwewe Bhetherehema, nyika yaJudha, auri mudoko akadi mukati mwevatongi vaJudha; ngokuti kwouri kunozobuda mutungamiriri uwo ndiye unozoita muushi wevanhu vangu vaIsuraeri.’ ”

Varoma 8:29

Ngokuti avo vaakazia ngekaretu wakavaemesa ngekaretu kuti vatodzaniswe nomuemo woMukororo wake, kuti iye aite dangwe pakati pehama dzakawanda.

Dhuto. 21:17

Asi unozotenda mukororo wouwo waasikadi kuti idangwe, ngokumupa chikoaniswa chakahwirinzirwa cheizvo zveshe zvaanazvo; ngokuti iye uri kutanga kwesimba rake, nhaka youtangwe ngeyake.

Dhuto. 33:17

Uthende hwake hwakadai ngedangwe romukono wen'ombe nenyanga dzake dzakadai ngenyanga dzenyati; ndidzo unozotunga vanhu pamwepo metsa kumagumo enyika; vari makumi emazana ari gumi evaEfuremu, nemakumi emazana evaManase.”

Vahebheru 7:14

Ngokuti zviri pamhene kuti Mambo wedu wakabva kudzinza raJudha, ngeiri dzinza Mosi aazi kuereketa chiro ngendaa yevapristi.

Josh. 14:6

Naapo vanhu vaJudha vakauya kunaJoshua muGirigari; naKharebhu mukororo waJefune muKhenezi wakati kwaari, “Unozia izwi raakaereketa Mambo Mwari kunaMosi munhu waMwari ndini neiwewe muKadheshibharanea.

Chakapangijihwa 5:5

Zvino umwe wevakuru wakati kwendiri, “Usachema. Wona, Mhondoro yorudzi rwaJudha, Runzinde rukuru rwaDhavhidha, rwanyisa, ndizvo unokona kubeura bhuku nezvinamiro zvinomwe zvaro.”

Vato. 1:2

NaMambo Mwari wakati, “Judha ndiye unozokwira. Ringirai ndapa nyika munyara dzake.”

1 Sam. 16:1

Mambo Mwari wakati kunaSamueri, “Unozochema Sauri mukuwo wakadini? Ndakamuramba kuti asachaita mambo padera paIsuraeri. Dzadza runyanga rwako ngemafuta, uende; ndinozokutuma kunaJesi, muBhetherehema, ngokuti ndakadzionera mambo pakati pevakororo vake.”

1 Sam. 16:10

Jesi wakaita kuti vakororo vake vanomwe vapinde pamberi paSamueri. NaSamueri wakati kunaJesi, “Mambo Mwari aazi kutsanangura naumwe weava.”

1 Sam. 16:12

Wakatuma munhu, akamuunza mukati. Zvino waiya mutsvuku, anemadziso akanaka, naye akanaka kuringirika. Mambo Mwari wakati, “Miruka, umudzodze; ngokuti ndiye uyu.”