1 MaKro. 5:1 - Bhaibheri Rakachena muChindau

¹ Zvino ava ndivo vakororo vaRubheni, dangwe raIsuraeri, (ngokuti ndiye waiya dangwe; asi ngokuti wakasvipisa mubhedhi wababa ake, nhaka youtangwe hwake yakapuwa kunevakororo vaJosefa mukororo waIsuraeri; ndizvo Rubheni aazi kunyorwa munonyorwa mazina oudangwe kudai ngounogara nhaka.

1 MaKro. 5:1 Iomraidhean Croise

Gen. 25:23

Mambo Mwari wakati kwaari, “Madzinza mairi ari mundani yako, nevanhu vairi vanobarwa ndiwe vanozoparadzana; umwe unozogwinya kupinda umweni, nomukuru unozoshandira mudoko.”

Gen. 25:31

Jakobe wakati kwaari, “Kutanga nditengesere udangwe hwako.”

Gen. 29:32

Rea wakaita mimba, akabara mukororo, akadudza zina rake kuti Rubheni, ngokuti wakati, “Ngendaa yokuti Mambo Mwari wakaona kutambudzika kwangu; ngegwinyiso zvino mwamuna wangu unozondida.”

Gen. 35:22

Zvino Isuraeri echigara munyika iyo, Rubheni wakaenda akaatana naBhiriha bunha rababa ake, naIsuraeri wakazwa ndizvo. Zvino vakororo vaJakobe vaiya gumi navairi.

Gen. 46:8

Aya ndiwo mazina evana vaIsuraeri avo vakauya Egipite, Jakobe nevakororo vake. Rubheni, dangwe raJakobe,

Gen. 48:5

Zvino vakororo vako vairi vewakabarirwa munyika yeEgipite ndisati ndauya kwouri muEgipite, ngevangu; Efuremu naManase vanozoita vangu kudai ndiRubheni naSimeoni ngevangu.

1 MaKro. 2:1

Ava ndivo vakororo vaIsuraeri: Rubheni, Simeoni, Revhi, Judha, Isakha, Zebhuruni,

1 MaKro. 26:10

Hosa, wevana vaMerari, waiya nevakororo: mukuru Shimuri, (kunyazwi waiya asiri dangwe, asi baba ake akamuita mukuru),

EKISEDHUSI 6:14

Ava ndivo vakuru vemhatso dzemadzibaba avo: vakororo vaRubheni, dangwe raIsuraeri: Hanokhi, Paru, Hezironi, naKhami; ava ndivo vemhatso dzaRubheni.

Revhi 18:8

Usazofukura upunu hwomukadzi wababa ako; ngokuti huri upunu hwababa ako.

Revhi 20:11

Nomunhu unozoatana nomukadzi wababa ake wakafukura upunu hwababa ake; ngegwinyiso veshe vairi vanozourawa; ngazi yavo inozoa padera pavo.

Zvi. 1:5

Aya ndio mazina evamuna vanozoema nemwi: worudzi rwaRubheni, ndiErizuri mukororo waShedheuri.

Zvi. 16:1

Zvino Khora mukororo waIzihari, mukororo waKohathi, mukororo waRevhi, naDhathani naAbhiramu vakororo vaEriabhi, naOni, mukororo waPherethi, vakororo vaRubheni, vakaunganidza vamuna.

Zvi. 26:5

Rubheni dangwe raIsuraeri. Mibarirwana yaRubheni: yaHanokhi, ndikwo kwakabva dzinza revaHanokhi; yaParu, ndikwo kwakabva dzinza revaParu;

1 VaK. 5:1

Kunozwika kuti kuripo kuomba pakati penyu, nokuomba kwakadaro apana pakati pevemadzinza; kwokuti munhu unotora mukadzi wababa ake.

Dhuto. 21:17

Asi unozotenda mukororo wouwo waasikadi kuti idangwe, ngokumupa chikoaniswa chakahwirinzirwa cheizvo zveshe zvaanazvo; ngokuti iye uri kutanga kwesimba rake, nhaka youtangwe ngeyake.

Dhuto. 27:20

“Wakatukwa uwo unoatana nomukadzi wababa ake, ngokuti wafukura upunu hwababa, ake.” Navanhu veshe vanozoti, “Ameni!”

Dhuto. 33:17

Uthende hwake hwakadai ngedangwe romukono wen'ombe nenyanga dzake dzakadai ngenyanga dzenyati; ndidzo unozotunga vanhu pamwepo metsa kumagumo enyika; vari makumi emazana ari gumi evaEfuremu, nemakumi emazana evaManase.”

Vakorose 1:15

Ndiye muedzaniso waMwari usikaoneki, dangwe rezvakasikwa zveshe;

Josh. 14:6

Naapo vanhu vaJudha vakauya kunaJoshua muGirigari; naKharebhu mukororo waJefune muKhenezi wakati kwaari, “Unozia izwi raakaereketa Mambo Mwari kunaMosi munhu waMwari ndini neiwewe muKadheshibharanea.