1 MaKro. 4:9 - Bhaibheri Rakachena muChindau

⁹ Jabhezi waipinda kuremeredzeka kunevana vamweni mumhuri yake; namai ake akamududza zina rake kuti Jabhezi echiti, “Ngokuti ndakamubereka ngokurwadziwa.”

1 MaKro. 4:9 Iomraidhean Croise

Gen. 3:16

Kumukadzi wakati, “Ndinozowanza kakurutu kurwadziwa kwako mukutora kwako mimba noukosha; mukurwadziwa kukurutu unozobara vana; nokudisisa kwako kunozoa kumwamuna wako, naye unozotonga padera pako.”

Gen. 34:19

Jaha arizi kunonoka kuita kudaro, ngokuti raiya nokudakara ngemwana waJakobe, naro raipinda kuremeredzeka kune vemhatso yaro yeshe.

Gen. 35:18

Naapo mweya wake uchabuda kubva mwaari (ngokuti wakafa), wakadudza zina rake kuti Bhenoni, asi baba ake vakamududza kuti Bhenjamini.

1 MaKro. 4:10

Jabhezi wakakumbira ngezina raMwari waIsuraeri echiti, “A, kudai wechindifumisa yaamho, nokukurisa migano yangu, nokuti nyara yako igare neni, nokuti undingwarire kubva mukuremadzwa nokurwadziwa!” NaMwari wakamupa izvo zvaakakumbira.

1 MaKro. 4:8

Kozi wakabara Anubhi, Zobhebha, nemadzinza aAhaheri mukororo waHarumu.

1 MaKro. 7:23

Naapo wakapotera kumukadzi wake, wakaita mimba, akabereka mukororo; wakadudza zina rake kuti Bheria, ngendaa yokutambudzika kwemhatso yake.

Mazwi 23:25

Baba ako namai ako ngavadakare, uwo wakakubereka ngaadakare.

Isa. 43:4

Ngokuti iwewe unomutengo mukuru mukuona kwangu, unoremeredzeka, neni ndinokuda; ndizvo ndinozoisa vanhu ndau yako, nemadzinza pandau yokupona kwako.

Zvak. 17:11

Zvino vaJudha ava vaiya vakarurama kupinda veThesaronika ngokuti vakaashira izwi ngomwoyo weshe, vechitsvakisisa zvinyorwa mazuva eshe kuti vaone kuti izvi zvakadaro here.

1 Sam. 4:21

Wakadudza zina romwana kuti Ikhabhodhi, kuronza kuti “Uthende hwabva kunaIsuraeri,” ngendaa yokuti bhokisi rechitenderano chaMwari rakatorwa nendaa yasezara ake nomwamuna wake.