1 MaKro. 4:10 - Bhaibheri Rakachena muChindau

¹⁰ Jabhezi wakakumbira ngezina raMwari waIsuraeri echiti, “A, kudai wechindifumisa yaamho, nokukurisa migano yangu, nokuti nyara yako igare neni, nokuti undingwarire kubva mukuremadzwa nokurwadziwa!” NaMwari wakamupa izvo zvaakakumbira.

1 MaKro. 4:10 Iomraidhean Croise

Gen. 12:2

Neni ndinozokuita dzinza guru, neni ndinozokufumisa nokuita kuti zina rako riite mbiri; newe unozoita chifumiso.

Gen. 12:8

Wakabvapo, akaenda kumutunhu uri ngokumabvazuva kweBhetheri, wakaemesa tende rake, Bhetheri riri ngokumabirirazuva neAi ngokumabvazuva. Naapo wakaakira Mambo Mwari arita, akakumbira ngezina raMambo Mwari.

Gen. 28:20

Zvino Jakobe wakapika mhiko echiti, “Kudai Mwari echizoa neni, andingwarire munjira iyi yendinohamba, andipe chingwa chokudya nemachira okusimira,

Gen. 28:21

kuti ndipetukezve kumhatso yababa angu mukunyarara, naapo Mambo Mwari unozoita Mwari wangu,

Gen. 32:26

Wakati, “Ndirekere, ndiende, ngokuti kubanze kwoedza.” Naye wakati, “Andizokurekeri kuti uende, metsa wandifumisa.”

Gen. 32:27

Wakati kwaari, “Zina rako ndiani?” Iye wakati, “Jakobe.”

Gen. 32:28

Zvino wakati, “Zina rako arichazodaidzwi kuti Jakobe, asi kuti Isuraeri, ngokuti wakadzipana naMwari nevanhu, ukanyisa.”

Gen. 33:20

Wakaakapo arita, akaridudza kuti Eri-erohe-Isuraeri.

Gen. 48:16

ngirosi iyo yakandinunurira kubva mukushata kweshe, ngaifumise varumbwana ava; nezina rangu ngaritumidzwe padera pavo, nemazina emadzibaba angu Abrahama naIsaka; ngavakure vawande kakurutu panyika.”

1 MaKro. 16:8

Bongai Mambo Mwari, daidzai zina rake, ziisai zviito zvake pakati pevanhu.

1 MaKro. 4:11

Kherubhi munun'una waShuha wakabara Mehiri, uwo waiya baba vaEshitoni.

1 MaKro. 4:9

Jabhezi waipinda kuremeredzeka kunevana vamweni mumhuri yake; namai ake akamududza zina rake kuti Jabhezi echiti, “Ngokuti ndakamubereka ngokurwadziwa.”

Jobe 12:4

Ini ndiri chishekedzo kuvangani vangu; inini, uwo unodaidza kunaMwari, naye unondipingura, munhu wakarurama newakanaka ndiri chishekedzo.

Nduyo 119:173

Nyara yako ngainasirirwe kundidetsera, ngokuti ndatsanangura nemipango yako.

Nduyo 121:7

Mambo Mwari unozokungwarira kubva mukushata kweshe; unozongwarira kupona kwako.

Nduyo 145:19

Unogutisa chidisiso cheweshe unomutya; unozwazve kuchema kwavo nokuvaponesa.

Nduyo 21:4

Wakakumbira kwouri kupona, newe wakamupa, uwandu hwemazuva mhera nariini.

Nduyo 51:12

Hwirinza mwendiri kudakadza kworuponeso rwako, unditsimise ngomweya wako unotenda.

Nduyo 51:8

Ndiite kuti ndizwe kudakara nokudakadzwa; magodo owakapwanya adakare.

Nduyo 55:16

Asi inini ndinodaidza Mwari, naMambo Mwari unozondiponesa.

Nduyo 65:2

Iwewe unopingura mikumbiro, mbeu dzeshe dzavanhu dzinozouya kwouri.

Nduyo 72:17

Zina rake ngarigare mhera nariini; mbiri yake ngaiangire kugara kuti zuva richindoripo. Madzinza eshe ngaafumiswe mwaari; madzinza eshe ngaaronze kuti, “Unodakara.”

Nduyo 99:6

Mosi naAroni vaiya pakati pevapristi vake, Samueriwo waiya pakati pevanokumbira ngezina rake. Vakadaidzira kunaMambo Mwari, naye wakavapingura.

Mazwi 10:22

Kufumisa kwaMambo Mwari ndikwo kunounza upfumi, naye aatutsiri kusvipo mwoyo ndikwo.

Mazwi 30:8

Bvisira kuretu kubva kwendiri zvisina shwiro nokunyepa; usandipa urombo, nokuti upfumi; ndigutise ngokudya kwakandikwanira,

Isa. 41:10

usatya, ngokuti ndinewe; usaita maharura, ngokuti ndiri Mwari wako; ndinozokugwinyisa, ndinozokudetsera, ndinozokubata ngenyara yangu inonyisa yokumudyo.

Isa. 41:17

Apo varombo nevatami vanotsvaka mvura, vasikaioni, rurumi rwavo runoomerwa ngenyota, Inini Mambo Mwari ndinozovapingura, Inini Mwari waIsuraeri andizovasii.

Jer. 33:3

Daidzai kwendiri, neni ndinozomupingura, nokumuronzera zviro zvikuru nezvakafishika zvomusaizia.

Mateu 26:75

NaPetro wakakarakadza izwi raJesu, iro raakaereketa kuti, “Risati rarira jongwe, iwewe unozondiramba katatu.” Naye wakabuda kubanze, akachema kakurutu.

Mateu 6:13

Musatipinza mukuedzwa, asi tinunurei kubva kuneuwo wakashata.

Ruka 19:42

echiti, “Dai waizia ngezuva iri izvo zviro zvingakupa kunyarara kwako! Asi zvinopano zvakafishika kumadziso ako.

Johani 10:28

ndinoapa kupona kusikaperi, nawo aazofi nariini, zve akuna unoabvuka kubva munyara yangu.

Johani 21:17

Wakati kwaari ngokwechitatu, “Simoni, mukororo waJohani, unondida here?” Petro wakarwadziwa mwoyo ngokuti wakati kwaari ngokwechitatu, “Unondida here?” Naye wakati kwaari, “Mambo, iwewe unozia zveshe; unozia kuti ndinokuda.” Jesu wakati kwaari, “Usha makwai angu.

Zvak. 3:26

Mwari wakamirudza Muranda wake, akamutumira kwomuri kutanga kuti amufumise, ngokutenderudza umwe ngaumwe wenyu kubva mukushata kwenyu.”

Varoma 12:9

Rudo ngaruite rusina kudziitisa; nyenyai izvo zvakashata, batirirai kuneizvo zvakanaka;

Varoma 16:19

Ngokuti kupurutana kwenyu kwakazwika kunevanhu veshe, ndizvo ndinodakara ndimwi, asi ndinoda kuti mungware kuneizvo zvakanaka asi musikazi kungwara kuneizvo zvakashata.

1 VaK. 1:2

kuchiara chaMwari icho chiri muKhorinte, kwavari vakacheneswa munaKristu Jesu, vakadaidzwa kuita vakacheneswa, pamwepo naavo veshe vari kundau dzeshe vanodaidza zina raMambo wedu Jesu Kristu, Mambo wavo nowedu.

Vaefesu 1:3

Ngaakudzwe Mwari naBaba aMambo wedu Jesu Kristu, uwo wakatifumisa munaKristu ngezvifumiso zveshe zvomweya mundau dzomudenga,

Vaefesu 3:20

Kwaari uwo ngesimba rinoshanda mukati mwedu unokona kakurutu kuita zvakawanda kupinda zveshe zvetinokumbira nezvetinopinimidza,

Vaefesu 4:30

Musatsamwisa Mweya Wakachena waMwari, womwakaisirwa chioniso mwaari metsa kuguma kuzuva rokuripirwa.

2 Tim. 4:18

Mambo unozondipokonyora kubva kumishando yeshe yakashata, unozondiponesa metsa ndapinda muumambo hwake hwomudenga. Kwaari ngahugare uthende mhera nariini nariini. Ameni.

Chakapangijihwa 3:19

Avo veshe vendinoda, ndinovaganyira nokuvaorora; ndizvo tsamwirira utenderuke.

1 Sam. 1:17

Zvino Eri wakapingura, akati, “Enda mukunyarara; Mwari waIsuraeri ngaape kwouri icho chowakumbirira.”

1 Sam. 1:20

Mukuwo waguma Hana wakaita mimba, wakabereka mukororo. Wakadudza zina rake kuti Samueri, ngokuti wakati, “Ndakamukumbira kunaMambo Mwari.”

1 Sam. 1:26

NaHana wakati, “A mambo wangu! Kudai ngezvounopona, mambo wangu, ndiri mudzimai uwo waiya akaema pano pasinde pako, echikumbira kunaMambo Mwari.

1 Sam. 1:27

Ndakakumbira uyu mwana; naMambo Mwari wakandipa icho chendakakumbira kwaari.