1 MaKro. 24:2 - Bhaibheri Rakachena muChindau

² Asi Nadhabhi naAbhihu vakafa kutangira baba avo, vaiya vasina vana; ndizvo Ereaza naIthama vakaita mushando woupristi.

1 MaKro. 24:2 Iomraidhean Croise

EKISEDHUSI 24:1

Zvino wakati kunaMosi, “Kwira kunaMambo Mwari, iwewe naAroni, Nadhabhi naAbhihu, nevakuru vaIsuraeri makumi manomwe, mudire muri kuretu.

EKISEDHUSI 24:9

Zvino Mosi, Aroni, Nadhabhi, Abhihu nevakuru vaIsuraeri makumi manomwe vakakwira,

EKISEDHUSI 29:9

Unozovasunga ngemabhande Aroni nevakororo vake, uise zviqoko pamasoro avo: noupristi unozoita wavo ngechiemeso chemhera nariini. Unozogadza Aroni nevakororo vake.

EKISEDHUSI 6:23

Aroni wakaroora Erishebha, mwanasikana waAminadhabhi mukunda waNashoni; iye wakamubarira Nadhabhi, Abhihu, Ereaza naIthama.

Revhi 10:12

Mosi wakaereketa kunaAroni nokunaEreaza nokunaIthama, vakororo vake vaiya vasara, “Torai mudiro wezviyo wakasara wemidiro yaMambo Mwari inoitwa ngomuriro, muudye usina mumera muri pasinde pearita, ngokuti uri wakachenesesa.

Revhi 10:2

Kwakabuda muriro kubva pamberi paMambo Mwari wakavapedza, navo vakafa pamberi paMambo Mwari.

Zvi. 18:7

Asi iwewe pamwepo nevakororo vako munozonasa kuita mushando woupristi, wezviro zveshe zvearita, nendau iri sure kwejira; ndakamupa mushando wenyu woupristi kuita chipo; nomupara unozokwedzera unozourawa.”

Zvi. 26:61

Asi Nadhabhi naAbhihu vakafa, apo pevakapa muriro usikatenderwi pamberi paMambo Mwari.

Zvi. 3:2

Aya ndiwo mazina evakororo vaAroni; Nadhabhi dangwe rake, naAbhihu, Ereaza, naIthama.

Zvi. 3:4

Nadhabhi naAbhihu vakafa pamberi paMambo Mwari, apo pavakapira muriro usikatenderwi pamberi paMambo Mwari vari mushango reSinai, navo vaiya vasina vana. Ereaza naIthama vakashanda mushando woupristi mukuona kwaAroni baba avo.