1 MaKro. 17:11 - Bhaibheri Rakachena muChindau

¹¹ Naapo mazuva ako akwana kuti uende kunemadzibaba ako, ndinozomirudza mibarirwana yako inoteera sure kwako, umwe wevakororo vako, neni ndinozogwinyisa umambo hwake.

1 MaKro. 17:11 Iomraidhean Croise

Gen. 15:15

Asi iwewe pachako unozoenda kune madzibaba ako mukunyarara; unozotsirwa waa musharuka yaamho.

1 Madzi. 1:21

Pamweni kungazoitika apo makosi wangu mambo paanozoata nemadzibaba ake, kuti inini nomukororo wangu Soromoni tinozoerengwa kuti tiri zvipumhuniso.”

1 Madzi. 2:10

Zvino Dhavhidha wakaata nemadzibaba ake, wakaikwa mudhorobha raDhavhidha.

1 Madzi. 8:19

Zvakanyadaro, auzoaki mhatso; asi mukororo wako unozobuda kubva muchiunu chako, ndiye unozoakira zina rangu mhatso.’

1 Madzi. 8:20

Zvino Mambo Mwari wadzadzisa izwi rake raakaereketa; ngokuti inini ndamiruka pandau yaDhavhidha baba angu, ndinogara padendemaro raIsuraeri, kudai ngezvaakagondisa Mambo Mwari, ndaakira zina raMambo Mwari, Mwari waIsuraeri mhatso.

1 MaKro. 17:10

kubvira panguva yendakaemesa vatongi padera pevanhu vangu Isuraeri; neni ndinozonyisa magaa ako eshe. “Zve, ndinoronzera kwouri kuti Mambo Mwari unozokuakira mhatso.

1 MaKro. 17:12

Unozondiakira mhatso, neni ndinozogwinyisa dendemaro rake mhera nariini.

1 MaKro. 28:5

Pavakororo vangu veshe, (ngokuti Mambo Mwari wakandipa vakororo vakawanda,) wakatsanangura Soromoni mukororo wangu kuti agare padendemaro roumambo hwaMambo Mwari padera paIsuraeri.

1 MaKro. 29:15

Ngokuti isusu tiri vapara pamberi pako nevahambi, kudai ngemadzibaba edu eshe; mazuva edu padera penyika akadai ngebvute, akuna gonda.

1 MaKro. 29:28

Zvino wakafa, aamusharuka kakurutu, aane makore mazhinji, aneupfumi nokuremeredzwa; naSoromoni mukororo wake wakatonga pandau yake.

2 MaKro. 6:9

zvakanyadaro iwewe auzoaki mhatso, asi mukororo wako, uwo unozobuda kubva muchiunu chako, ndiye unozoakira zina rangu mhatso.’

Nduyo 132:11

Mambo Mwari wakapika kunaDhavhidha mhiko yegwinyiso, aachazokunukuki kubva kweiri: “Umwe wevakororo vendani yako ndinozomugadzika padendemaro rako.

Nduyo 89:5

Matenga ngaakudze mishamiso yako, A Mambo Mwari, ugondeki hwako mumbungano yevakacheneswa.

Jer. 33:17

Ngokuti izvi ndizvo zvinoronza Mambo Mwari: Dhavhidha aatongozotami munhu wokugara padendemaro remhatso yaIsuraeri,

Zvak. 13:36

Ngokuti Dhavhidha, apedza kuita kuda kwaMwari pakati pedzinza rake, wakafa, naye wakaikwa pane madzibaba ake, akaora.

Zvak. 2:29

“Hama, ndingaereketa ngokurerukirwa ngendaa yababamukuru Dhavhidha, kuti iye wakafa, akaikwa, neiba rake riri pakati pedu metsa nyamashi.

Dhuto. 31:16

Mambo Mwari wakati kunaMosi, “Ngokukasira unozoata nemadzibaba ako. Zvino ava vanhu vanozomiruka, vaite umhombo ngokuteera zvimwari zvevanhu vapara venyika yevanozoenda koogara pakati pavo; navo vanozondisiya, nokugura chitenderano changu chendakaita navo.