1 MaKro. 15:3 - Bhaibheri Rakachena muChindau

³ Dhavhidha wakaunganidza pamwepo vaIsuraeri veshe muJerusarema, kuti vakwidze bhokisi rechitenderano chaMambo Mwari kundau yaro, yaakarinasirira.

1 MaKro. 15:3 Iomraidhean Croise

2 Sam. 6:12

Wakaronzerwa mambo Dhavhidha kuti, “Mambo Mwari wafumisa mhatso yaObhedhedhomu nazvo zveshe zvaanazvo ngendaa yebhokisi rechitenderano chaMambo Mwari.” Ndizvo Dhavhidha wakaenda, akaunza ngokudakara bhokisi rechitenderano chaMwari kubva kumhatso yaObhedhedhomu, kuenda kudhorobha raDhavhidha.

2 Sam. 6:17

Vakaunza bhokisi rechitenderano chaMambo Mwari, vakariisa pandau yaro, mukati mwetende iro reraiya radzimikirwa ndiDhavhidha; naDhavhidha wakapira mudiro wokupisha, nomudiro wokuiyana pamberi paMambo Mwari.

1 Madzi. 8:1

Zvino Soromoni wakaunganidza vakuru vaIsuraeri, nenduna dzeshe dzemadzinza avo, vatungamiriri vemhatso dzemadzibaba evana vaIsuraeri, pamberi pamambo Soromoni muJerusarema, kuti vaunze bhokisi rechitenderano chaMambo Mwari kubva mudhorobha raDhavhidha, rinozwi Zioni.

1 MaKro. 13:2

Dhavhidha wakati kumbungano yeshe yaIsuraeri, “Kudai kwechioneka kwakanaka kwomuri, nokuti kudai kuri kuda kwaMambo Mwari, Mwari wedu, ngatitumire kunehama dzedu dziri kundau dzeshe, dzakasara munyika yaIsuraeri, pamwepo nevapristi nevaRevhi, vari mumadhorobha awo anenyika yemafuro, kuti vauye vabatane pamwepo nesu.

1 MaKro. 13:5

Ndizvo Dhavhidha wakaunganidza vaIsuraeri veshe pamwepo kubvira Shihori reEgipite metsa kuguma Rebhohamathi, koounza bhokisi rechitenderano chaMwari kubva Kiriathijearimu.

1 MaKro. 15:1

Dhavhidha wakadziakira mhatso mudhorobha raDhavhidha, akanasira ndau yebhokisi rechitenderano chaMwari, akariemesera tende.

1 MaKro. 15:12

Wakati kwevari, “Imwimwi muri vakuru vemhatso dzemadzibaba evaRevhi; dzichenesenyi imwimwi nehama dzenyu, kuti mukwidze bhokisi rechitenderano chaMambo Mwari, Mwari waIsuraeri, kundau yaro yendakarinasirira.

1 MaKro. 16:1

Vakaunza bhokisi rechitenderano chaMwari, vakarigadzika mukati mwetende, raakariakira Dhavhidha; vakapira midiro yokupisha nemidiro yokuiyanisa pamberi paMwari.

2 MaKro. 1:2

Soromoni wakadaidza vaIsuraeri veshe, nduna dzemakumi emazana nedzemazana, vatongi veshe, nevatungamiriri veshe vaIsuraeri nevakuru vemhatso dzemadzibaba.

2 MaKro. 1:4

Asi Dhavhidha waiya akakwidza bhokisi rechitenderano chaMwari kubva Kiriathijearimu, akariisa kundau iyo Dhavhidha yaakarinasirira, ngokuti waiya akaridzimikira tende muJerusarema.

2 MaKro. 5:2

Zvino Soromoni wakaunganidza vakuru veshe vaIsuraeri, pamwepo nevakuru vemadzinza, nevatungamiriri vemhatso dzemadzibaba evanhu vaIsuraeri muJerusarema, kuti vakwidze bhokisi rechitenderano chaMambo Mwari kubva mudhorobha raDhavhidha, iro ndiro Zioni.

EKISEDHUSI 40:20

Wakatora, akaisa marusamba emapuwe mairi mubhokisi rechitenderano, akaisa mipingo padera pebhokisi rechitenderano, akaisa chigaro chenyasha padera pebhokisi rechitenderano.

Revhi 9:5

Vakaunza izvo zvaakapanga Mosi pamberi petende romushongano; nembungano yeshe yakakwedzera yakaema pamberi paMambo Mwari.