1 MaKro. 11:3 - Bhaibheri Rakachena muChindau

³ Ndizvo vakauya veshe vakuru vaIsuraeri kunamambo muHebroni; naDhavhidha wakaita chitenderano navo pamberi paMambo Mwari paHebroni; navo vakadzodza Dhavhidha kuita mambo padera paIsuraeri, kudai ngezvakaronza izwi raMambo Mwari kubudikidza ndiSamueri.

1 MaKro. 11:3 Iomraidhean Croise

2 Sam. 2:4

Zvino vamuna vaJudha vakauya, vakadzodzapo Dhavhidha kuita mambo padera pemhatso yaJudha. Naapo vakaronzera Dhavhidha vechiti, “Vamuna vaJabheshigireadhi ndivo vakaika Sauri,”

2 Sam. 5:3

Ndizvo vakuru veshe vaIsuraeri vakauya kunamambo muHebroni; namambo Dhavhidha wakaita chitenderano navo muHebroni pamberi paMambo Mwari, navo vakadzodza Dhavhidha kuita mambo padera paIsuraeri.

2 Sam. 5:5

MuHebroni wakatonga padera paJudha makore manomwe nemwedzi mitanhatu; nomuJerusarema wakatonga makore makumi matatu namatatu padera paIsuraeri naJudha.

2 Madzi. 11:17

Jehoiadha wakaita chitenderano pakati paMambo Mwari namambo nevanhu, kuti vanosisira kuita vanhu vaMambo Mwari; nepakatizve pamambo nevanhu.

2 Madzi. 23:30

Varanda vake vakamutwara mungoro afa kubva Megidho, vakamuunza Jerusarema, vakamuika muiba rake. Vanhu venyika vakatora Jehoahazi mukororo waJosia, vakamudzodza, vakamuita mambo pandau yababa ake.

1 MaKro. 11:10

Zvino ava ndivo vakuru vengwazi dzehondo dzaiya naDhavhidha, avo vakamugwinyisa muumambo hwake, pamwepo nevaIsuraeri veshe, kuti vamuite mambo, kudai ngezvakaronza izwi raMambo Mwari ngendaa yaIsuraeri.

2 MaKro. 23:3

Zvino mbungano yeshe yakaita chitenderano namambo mumhatso yaMwari. Jehoiadha wakati kwevari, “Ringirai, uripano mukororo wamambo! Ngaatonge, kudai ngezvaakagondisa Mambo Mwari ngendaa yevakororo vaDhavhidha.

Vato. 11:11

Ndizvo Jefetha wakaenda nevakuru veGireadhi, nevanhu vakamuita mukuru nenduna padera pavo; naJefetha wakaereketa eshe mazwi ake pamberi paMambo Mwari muMizipha.

1 Sam. 11:15

Ndizvo vanhu veshe vakaenda Girigari. Naapo vakaemesa Sauri kuita mambo pamberi paMambo Mwari muGirigari, naapozve vakapira midiro yokunyarara pamberi paMambo Mwari; naapo Sauri nevanhu veshe vaIsuraeri vakadakara kakurutu.

1 Sam. 15:28

NaSamueri wakati kwaari, “Mambo Mwari wagura umambo hwaIsuraeri nyamashi kubva kwouri, wahupa kumuakirwana wako, uwo wakapinda kunaka kuneiwewe.

1 Sam. 16:1

Mambo Mwari wakati kunaSamueri, “Unozochema Sauri mukuwo wakadini? Ndakamuramba kuti asachaita mambo padera paIsuraeri. Dzadza runyanga rwako ngemafuta, uende; ndinozokutuma kunaJesi, muBhetherehema, ngokuti ndakadzionera mambo pakati pevakororo vake.”

1 Sam. 16:3

Wechidaidza Jesi kumudiro uyu, neni ndinozokupangidzira icho chounozoita; newe unozondidzodzera uwo wendinozokuronzera.”

1 Sam. 23:18

Zvino vairi ava vakaita chitenderano pamberi paMambo Mwari; Dhavhidha wakaangira kugara paHoreshi, naJonathani wakaenda kanyi.

1 Sam. 28:17

Mambo Mwari wakaita emene, kudai ngezvaakaereketa kubudikidza ndini; ngokuti Mambo Mwari wakabvisa umambo munyara yako, akahupa kunomuakirwana wako Dhavhidha.