1 MaKro. 11:1 - Bhaibheri Rakachena muChindau

¹ Zvino vaIsuraeri veshe vakaungana pamwepo kunaDhavhidha paHebroni vechiti, “Wona, isusu tiri magodo ako nenyama yako.

1 MaKro. 11:1 Iomraidhean Croise

Gen. 29:14

Rabhani wakati kwaari, “Ngegwinyiso uri godo rangu nenyama yangu!” Wakagara naye mwedzi.

2 Sam. 15:10

Asi Abhusaromu wakatuma nhumwa ngokufishika kumadzinza eshe aIsuraeri echiti, “Apo pomunozwa kurira kwegwama, munozodaidzira mwechiti, ‘Abhusaromu ndimambo muHebroni!’ ”

2 Sam. 2:1

Ngesure kweizvi Dhavhidha wakabvunza kunaMambo Mwari echiti, “Ndingakwira here kuguta nokuti ngeriri raJudha?” Mambo Mwari wakati kwaari, “Kwira.” Dhavhidha wakati, “Ndinozokwira kundau iri?” Wakati, “KuHebroni.”

1 Madzi. 2:11

Mazuva okutonga kwaDhavhidha muIsuraeri akaita makore makumi marongomuna; makore manomwe wakatonga muHebroni, nemakore makumi matatu namatatu wakatonga muJerusarema.

Zvi. 13:22

Navo vakakwira muNegebhi, vakaguma Hebroni; Ahimani, Sheshai naTharimai, mibarirwana yaAnaki yaiyapo. (Hebroni raiya rakaakiwa makore manomwe ngepamberi kutangira Zoani riri muEgipite.)

Vaefesu 5:30

ngokuti isusu tiri nhengo dzomuiri wake.

Dhuto. 17:15

ngegwinyiso munozoemesa kuita mambo padera penyu uwo waanozotsanangura Mambo Mwari, Mwari wenyu. Umwe kubva pakati pehama dzenyu munozoemesa uwo kuita mambo padera penyu; musazoemesa munhu mupara padera penyu, usiri woukama hwenyu.

Vato. 9:2

“Ereketai, ndinomupota, kunzee dzevanhu veshe vari muShekhemu, kuti ngechiri chakapinda kunaka kwomuri, kuti vakororo veshe vaJerubhaari vari makumi manomwe evanhu vatonge padera penyu, nokuti munhu umwe atonge padera penyu? Cherechedzaizve kuti inini ndiri godo renyu nenyama yenyu.”