1 MaKro. 10:4 - Bhaibheri Rakachena muChindau

⁴ Zvino Sauri wakati kumutwari wezvokurwa ndizvo zvake, “Shwamura shoti yako, undiuraise ndiyo, kuti ava vasikazi kuchekwa vasauya nokunditsereketesa.” Asi mutwari wezvokurwa ndizvo zvake wakaramba, ngokuti wakatya kakurutu. Ndizvo Sauri wakatora shoti yake akawira padera payo.

1 MaKro. 10:4 Iomraidhean Croise

2 Sam. 1:20

Musaereketa ndizvo muGathi, musazviparadzira mumapato eAshikeroni, kuti vanasikana vevaFiristia vasadakara, kuti vanasikana vevasikazi kuchekwa vasapembera.

2 Sam. 1:6

Jaha rakamuronzera rakati, “Ndakashonganapo paMutunhu weGiribhoa; ndakaona Sauri akatseyama pamukhondo wake; naapo ngoro nevagadhi vemahachi vaguma pasinde.

2 Sam. 17:23

Naapo Ahithoferi aona kuti kupanga kwake akuzi kupurutanwa, wakaisa chigaro pambongoro yake, akaenda kanyi kudhorobha rake. Wakarongedza mhatso yake zvakanaka, akadzisungira; akafa, akaikwa muiba rababa ake.

1 Madzi. 16:18

Naapo Zimuri aona kuti dhorobha ratorwa, wakapotera mungome yamambo; wakapisha ngome yamambo, akadzipishiremwo pachake, akafa ngomuriro,

1 MaKro. 10:3

Kurwa kwakashatira Sauri, nevanoposhera misee vakamuona, wakaremadzwa ngeavo vaposheri vemisee.

1 MaKro. 10:5

Naapo mutwari wezvokurwa ndizvo zvake aona kuti Sauri wafa, iye nayewo wakawira padera peshoti yake, wakafa.

Zvak. 1:18

(Zvino munhu uyu wakatenga munda ngomutuso wokusikarurama kwake; naye echiwa ngetsukupinya wakaputika ndani, nematumbu ake eshe akabuda.

Zvak. 16:27

Naapo mungwariri wamabhanditi amuka muhope echiona misiwo yetirongo yabeuka, wakashwamura shoti yake echida kudziuraya pachake, echipinimidza kuti mabhanditi aiya atiza.

Vato. 15:18

Naye waiya apera ngenyota kakurutu, wakadaidza kunaMambo Mwari echiti, “Iwewe wakapa uku kusunhurwa kukuru munyara dzomuranda wako. Zvino ndinozofa here ngenyota, ndiwire munyara dzaavo vasikazi kuchekwa?”

Vato. 16:21

Asi vaFiristia vakamubata, vakamutumbura madziso ake. Vakamuunza kudzaka Gaza, navo vakamusunga ngemanguri ethusi; iye waigaisa ari mumhatso yetirongo.

Vato. 9:54

Naapo wakakasira kudaidza jaha raitwara zvokurwa zvake, akati kwaari, “Shwamura shoti yako, undipedzise, kuti vanhu vasazoti, ‘Wakaurawa ngomunhu wedzimai.’ ” Nejaha rake rakamubaya rikamupotya, naye wakafa.

1 Sam. 14:6

Jonathani wakati kunejaha raitwara chihlangu chake, “Uya, ngatiende kuchikwata chaava vasikazi kuchekwa; pamweni Mambo Mwari ungatishandira; ngokuti akuna chiro chingarambidza kunaMambo Mwari kuponesa ngavazhinji nokuti ngavashomani.”

1 Sam. 17:26

Dhavhidha wakaereketa kuvanhu vaiya vakaema pasinde pake echiti, “Chiinyi chinozoitwa kunomunhu unouraya muFiristia uyu, nokudusa kushoorwa kwaIsuraeri? Ngokuti ndiani uyu muFiristia usikazi kuchekwa, kuti ashoore hondo yaMwari unopona?”

1 Sam. 17:36

Muranda wako wakauraya zveshe, mhondoro nebheya; uyu muFiristia usikazi kuchekwa unozodai ngechimwe chazvo, ngokuti washoora hondo dzaMwari unopona.”

1 Sam. 31:4

Naapo Sauri wakati kumutwari wechihlangu chake, “Shwamura shoti yako, undibaye kundipotya ndiyo, kuti vasikazi kuchekwa ava vasauya koondibaya nokundidadira.” Asi mutwari wechihlangu chake wakaramba, ngokuti waitya kakurutu. Ndizvo Sauri wakatora shoti yake, wakawira padera payo.