1 MaKro. 10:14 - Bhaibheri Rakachena muChindau

¹⁴ naye aazi kubvunza mazano kubva kunaMambo Mwari. Ndizvo Mambo Mwari wakamuuraya, akakunukudza umambo kuuisa kunaDhavhidha mukororo waJesi.

1 MaKro. 10:14 Iomraidhean Croise

2 Sam. 5:3

Ndizvo vakuru veshe vaIsuraeri vakauya kunamambo muHebroni; namambo Dhavhidha wakaita chitenderano navo muHebroni pamberi paMambo Mwari, navo vakadzodza Dhavhidha kuita mambo padera paIsuraeri.

1 MaKro. 12:23

Uku ndikwo kuwanda kwezvikwata zvevarwi vanezvokurwa, vakauya kunaDhavhidha Hebroni, kookunukudza umambo hwaSauri kwaari, kudai ngezverakaronza izwi raMambo Mwari.

1 MaKro. 17:13

Ndinozoita baba kwaari, naye unozoita mukororo kwendiri. Andizodusi rudo rwangu kubva kwaari, kudai ngezvendakarudusa kuneuwo waiya pamberi pako,

1 MaKro. 2:12

naBhoazi wakabara Obhedhi, naObhedhi wakabara Jesi,

2 MaKro. 16:12

Asa mugore remakumi matatu nemapfumbamwe rokutonga kwake wakabatwa ngenhenda mutsoka dzake, nenhenda yake yakaangirira kukura; kunyazwi mukurwara kwake aazi kutsvaka Mambo Mwari, asi wakatsvaka kudetserwa kubva kunyanga.

Mazwi 17:13

Uwo unounzidzira chakanaka ngechakashata, kushata akuzobvi pamhatso pake.

Isa. 10:15

Demo rinoganzira unotema ndiro here nokuti saho inozodzikudza kupinda unoihambisa here? Kudai ngendonga ingazungunyisa avo vanoimirudza, nokuti mudondoro unodzimirudza ausiri muti!

Isa. 10:7

Asi izvi andizvopi zvaaipinimidza kuita kudaro, nokuti kuwa nazvo mumwoyo wake; asi kuripo mumwoyo mwake kuda kuuraya nokugura madzinza mazhinji.

Josh. 9:14

Ndizvo vamuna vakaashira zvokudya zvavo ngendaa yokuona mbuva yavo, vasikazi kubvunza chirikuda kwaMambo Mwari kubva kumuromo wake.

1 Sam. 13:14

Asi zvino umambo hwako ahuzogari. Mambo Mwari watsvaka munhu unodiwa ngomwoyo wake, naMambo Mwari wakamuemesa kuita mutungamiriri wevanhu vake, ngokuti iwewe auzi kungwarira icho chaakakupanga Mambo Mwari.”

1 Sam. 15:28

NaSamueri wakati kwaari, “Mambo Mwari wagura umambo hwaIsuraeri nyamashi kubva kwouri, wahupa kumuakirwana wako, uwo wakapinda kunaka kuneiwewe.

1 Sam. 16:1

Mambo Mwari wakati kunaSamueri, “Unozochema Sauri mukuwo wakadini? Ndakamuramba kuti asachaita mambo padera paIsuraeri. Dzadza runyanga rwako ngemafuta, uende; ndinozokutuma kunaJesi, muBhetherehema, ngokuti ndakadzionera mambo pakati pevakororo vake.”

1 Sam. 28:17

Mambo Mwari wakaita emene, kudai ngezvaakaereketa kubudikidza ndini; ngokuti Mambo Mwari wakabvisa umambo munyara yako, akahupa kunomuakirwana wako Dhavhidha.

1 Sam. 28:6

Naapo Sauri wakabvunza kunaMambo Mwari, Mambo Mwari aazi kumupingura, haiwa ngokurota, nokuti ngoUrimu, nokuti ngevaprofeti.