SAN LUCAS 2:10 - Nahuatl Michoacán

¹⁰ Huan in lanahuatini quinmilic: —Amo ximomajtican. Xiquitacan, nehual nihuala pa annimitzlamachiltis se lamachiltilisli cuali hual anmitzmacas míac paquilisli, huan in lamachiltilisli cayas pa moxtin.

SAN LUCAS 2:10 Iomraidhean Croise

SAN MATEO 14:27

Jan axcan Jesús quinnotzac, quinmilic: —¡Amo xicmacajsican! ¡Nehual niunca, amo ximomajtican!

SAN MATEO 28:18

Cuaquinon ajsic Jesús capa yehuanten, quinmilic: —Nehual nechtemacac Dios mochi lahueliltilisli pin cielo huan pan lalticpan.

SAN MATEO 28:5

Cuaquinon quinmilic in sihuames in ilanahuatini in cielo: —Amo ximomajtican. Nicmati pampa anquitemujtica Jesús hual quipiluje pani in cuahuil.

SAN MARCOS 1:15

Quijtuaya: —Axan ajsic in tonali, amo huejcahuas in tonali quiman Dios yahui huelitía. Xicpalacan anmoyolo pa anpehuas anyultías anlaijnamictica quinami Dios quinequi. Xicneltocacan Dios ilamachiltilisli cuali.

SAN MARCOS 16:15

Huan quinmilic: —Xiacan pa mochi in lalticpan, xiquinmilican moxtin nejnepa in lamachiltilisli cuali.

SAN LUCAS 1:13

Cuaquín in lanahuatini quilic: —Amo ximomajti, Zacarías, pampa quicaquic Dios in hual ticlajlanic. Mitzlacatiltilis mosihua Elisabet se xolol, huan tictocayaltis Juan.

SAN LUCAS 1:19

Ilanahuatini in cielo quinanquilic: —Nehual niGabriel, nictequipanuilía Dios. Cataya yihual hual nechtilanic pa nimitznotzas huan pa nimitzilis in cuali lamachiltilisli.

SAN LUCAS 1:30

Cuaquinon in ilanahuatini in cielo (ilhuicac) quilic: —María, amo ximomajti, pampa tehual tía ticpía len niman cuali hual mitzmacas Dios.

SAN LUCAS 2:11

Axcan anmitzlacatilic axcan se hual anmitzquixtis pin polehuilisli. Unca CRISTO in Tata, lacatic pa icaltilan David.

SAN LUCAS 24:47

Axan, pampa nicchíac mochi inon, in unca ilahueliltilisli notoca. Ca in lahueliltilisli, monequi pa anquinlamachiltis moxtin pin lalticpan pampa quipialo pa quipalasi inminyolo pa laijnamiquisi quinami Dios quinequi. Yoje Dios huil quinpujpuhuilis inminlaijlaculisli. Xipehuacan xicchihuacan inon pa Jerusalén.

SAN LUCAS 8:1

Panuc inon, cantiahuiaya ojli Jesús pa se caltilan huan pa oc se caltilan huan pa se calería pa yasquiaya pa oc se calería. Lanahuatijtinemiaya ca Dios ilanahuatilisli, quinlamachiltitinemiaya moxtin ilamachiltilisli cuali hual unca quinami Dios huelitía. Uyaje ca yihual in doce imonextilinijmes

HECHOS 13:32

Huan tehuanten antimitzilijticate san in lamachiltilisli cuali. Inon unca hual neli Dios quinmilic totatzitzían pampa yahuiaya quinchihuili. Huan inon Dios axan lamic quinchihuilic yehuanten inminmiahuimes totatzitzían pan tonali hual quiyuliltic Jesús oc sejpa.

ROMANOS 10:15

Huan amaqui huil quinlamachiltis sinda amo quitilanisi ca capic cate pa quinlamachiltis. Huan quintilanilije yehuanten pa quinlamachiltisi, jan quinami unca lajcuiluli. Quijtúa, quil: “¡Quinami unca niman cualtichin pani in lomas (tepemes) pampa quilamachiltitihualalo in lamachiltilisli cuali! Inon techmaca mosehuilisli ca Dios pa toyolo.”

EFESIOS 3:8

Nehual niunca aqui hual amo nimonotza ca Dios ilacames. Amo unca oc se hual amo monotza quinami nehual amo nimonotza. Ma yoje, nejchihuilic cuali Dios pa niquinmacas yehuanten hual amo judíos in lamachiltilisli cuali hual techilía mochi in niman míac hual quipía Cristo pa tejxiluilis tehuanten. Huan amo huil ticmatilo mochi hual quipía, pampa amo huil cajsi inon hual tiquijtulo pa laijtic toyolo.

COLOSENSES 1:23

In nicmati pampa anyultía anquineltocatica Cristo. Huan sinda amo anmocahuas pa anquipías mochi anmolaneltocalisli ca yihual, amo anmijcuanis pa iojli Cristo. Nepa anquichixtías in tonali quiman anquipías mochi hual len Dios neli anmitzmacas. Yoje techilía Dios ilamachiltilisli cuali hual anquicaquic. In yec lamachiltili ca moxtin hual cate pin lalticpan. Huan nehual Pablo nilapalehuía niclamachiltitica inon pampa nechmaca Dios in tequipanulisli.