SAN JUAN 6:9 - Nahuatl Michoacán

⁹ —Nican unca se muachito, quinpía macuili panes lachihuali ca cebada huan ome michimes. Unca san naditita. ¿Quinami quinmajsisi innojen in míac lacames?

SAN JUAN 6:9 Iomraidhean Croise

SAN MATEO 14:17

Quilije: —Nican ticpialo jan macuili panes pa quincuasi huan ome michimes san.

SAN MATEO 16:9

¿Ayamo anquimati huan ayamo anquijnamiquía in macuili panes calica niquinlacualtic in macuili mil lacames? ¿Quichi chiquihuimes anquintemiltic ca in lajquitos hual quincahuaje?

SAN MARCOS 6:38

Jesús quinlajlanic: —¿Quichi panes anquinpía? Xiacan xiquitacan. Quimatije quichi, cuaquín quilije: —Macuili, huan ome michimes.

SAN MARCOS 8:19

Niquinxiluíc in macuili panes ca in macuili mil lacames. Axan, ¿quichi chiquihuimes ca lajquitos lalapanali anquinnechicuc huan anquintemiltic? Yehuanten quinanquilije: —Doce.

SAN LUCAS 9:13

Huan Jesús quinmilic: —Amhuanten xiquinmacacan len quicuasi. Huan yehuanten quilijque: —Amo ticpialo nindeno, jan ticpialo macuili panes huan ome michimes. Sinda ticnequilo ticanalo oc sequin, cuaquín ticpiasi pa tiasi tiquincuhuilisi len pa quicuasi moxtin.

SAN JUAN 11:21

Huan Marta quilic Jesús: —Tata, amo miquiaya nocni sinda ticataya nican.

SAN JUAN 11:32

Yoje, ajsic capa cataya Jesús quimolancuacuetzilijtiquisac, quilijtica: —Tata, sinda tehual ticataya nican, nocni amo miquiaya.

SAN JUAN 21:10

Jesús quinmilic: —Xiquinhualicacan sequin michimes hual anlamic anquinquitzquic.

SAN JUAN 21:13

Huan hualac Jesús, canac in pan huan quinmacac, huan in michin jan yoje quinmacac.

SAN JUAN 21:9

Ajsije pin xalipan, quitaje tixuxli ca ticahuandera huan michin lalalili ipan, huan noje cataya pan.

SAN JUAN 6:11

Cuaquín quinmanac Jesús in panes huan quisehuic Dios. Cuaquinon quinxiluilic yehuanten hual molalijtataloaya. Jan yoje quinxiluilic in michimes huan quicuaje moxtin quinami quinequiloaya quicualo.

SAN JUAN 6:7

Felipe quinanquilic: —In tomin hual canaloaya ome cientos (majlaclipuhuali) lacames tequipanujticate pan se tonali, in cataya tipichin, amo quinmajsisquiaya pa mochi sejse quipiasquiaya je nadita pan pa quicuasquiaya.

2 CORINTIOS 8:9

Yojque techlasojla toTata, pampa anquimati in cuali hual toTata Jesucristo tejchihuilía. Mas que quipiaya míac, ma yoje mochíac lacal hual amo quipiaya nindeno pa yoje anmijchihuilisquiaya cuali, pa yoje anmochiasquiaya amhuanten lacames hual quipialo míac pan ipampa quinami yihual mochíac se hual amo quipiaya nindeno.

APOCALIPSIS 6:6

Huan nijcaquic len mocaquic quinami se lajtol, mocaquic lajco pin nahui yulijquimes, quijtuaya: —Ma laxlahui se mochi itomin hual cana tequipanujtica se tonali pa mocuhuilis se lamachihualoni trigo hual quilamachihuililo yehuanten hual quipialo lahueliltilisli. Huan ma laxlahui jan yoje pa ye lamachihualonijmes cebada hual quilamachihuililo. Huan amo xiquinmijlacu ichahuac in cuahuilera hual laquilo olivos huan iayo uva coc hual laquilo in uvatilan.