SAN JUAN 3:4 - Nahuatl Michoacán

⁴ Quilic Nicodemo: —¿Quinami huil lacati se sinda axan unca hué? Amo huil calaqui oc sejpa laijtic inantzin pa yoje mocuepas lacatis.

SAN JUAN 3:4 Iomraidhean Croise

SAN JUAN 3:3

Jesús quinanquilic: —Neli nimitzilía, sinda amo mocuepa lacati se pa pani pin cielo, yihual amo huil quimatis nindeno quinami Dios lahueliltía.

SAN JUAN 3:5

Quinanquilic Jesús: —Nimitzilía neli, sinda amo lacati se pan ipampa al huan in Espíritu Santo, cuaquín yihual amo huil cayas capa lahueliltía Dios.

SAN JUAN 6:53

Cuaquín Jesús quinmilic: —Neli, neli annimitzilía, sinda amo anquicua inacal nocuerpo nehual ilacal in cielo, huan sinda amo ancuni noesli, cuaquín amo anquipías Dios iyulilisli laijtic amhuanten.

SAN JUAN 6:60

Quicaquije inon míac ca imonextilinijmes huan quijtuje: —Innojen lajtomes lacualantilo huan ejꞌetiaxticate pa ticmatisi len quinequilo quijtulo. Amaqui quinequis quicaquis, amo huil quimati se len quinequilo quijtulo.

1 CORINTIOS 1:18

Ticneltocalo in lamaxtilisli quinami Cristo miquic pan cuahuil. Yehuanten hual amo quipialo in yulilisli yancuic quijtulo pampa san lacames hual amo quipialo laijnamiquilisli cuali quineltocalo in lamaxtilisli. Ma yoje, ca tehuanten hual Dios techquixtilijtica pin ipolehuilisli tolaijlaculisli, neli ticmatilo pampa ilajtol Cristo quipía Dios ilahueliltilisli.

1 CORINTIOS 2:14

Se hual amo quipía iEspíritu Dios amo quinmoanilía innojen hual in Espíritu Santo techmaxtía, pampa yihual quinmita quinami lajtomes hual san quinneltocalo lacames hual amo laijnamiquilo cuali. Amo huil quimati len quinequilo quijtulo pampa jan in Espíritu Santo san huil quinextilía.