SAN JUAN 2:4 - Nahuatl Michoacán

⁴ Huan Jesús quilic: —Nana, ¿len nicpías pa niquitas ca tehual? Ayamo ajsic in tonali pa nipehuas nicchías len quinnextilis lacames capa nihualac.

SAN JUAN 2:4 Iomraidhean Croise

SAN MATEO 15:28

Cuaquín Jesús quinanquilic: —¡Ah, tuincito, ticmati tilaneltoca niman míac! Jan quinami tichtemachic ma caya ca tehual. Huan ixolol in sihual pajtic jan ajnaxcan.

SAN MATEO 8:29

Huan jan axcan tzajtzije chicahuac, quilije: —¡Jesús, tehual Dios ixolol! ¿Len ticpía pa tiquitas ca tehuanten? ¿Tihualac ca níc pa titechcocoltisquiaya? ¡Ayamo ajsic in tonali pa ticayasi lacocoltili!

SAN LUCAS 2:49

Huan Jesús quinmilic: —¿Len inon? ¿Annechtemujtinemiaya? ¿Amo anquimatiaya pampa nehual nicpía pa nicayas capa cate lachihuali innojen hual cate iyaxca noTajtzin?

SAN JUAN 12:23

Jesús quinnanquilic, quinmilic: —Axan ajsic in tonali hual nel nicanas lahueyilisli hual nejchihuilis niman hué nehual ilacal in cielo.

SAN JUAN 13:1

Ayamo ajsiaya itonali in fiesta (ilhuil) pascua huan Jesús quimatiaya pampa cataya in tonali capa yes lamictili. Quimatic pampa yahuiaya quisa pa in lalticpan pa mocuepas capa Dios iTajtzin. Amo mocahuaya pa quinnequis yehuanten hual iyaxca huan quinnequiaya ca mochi iyolo. Yoje, quiman calaquic in tonali, mochijchihualoaya pa lacualosquiaya.

SAN JUAN 2:3

Quitaje pampa yajmo cataya iayo uva coc. Pampín inantzin quilic Jesús: —Yajmo quipialo iayo uva coc.

SAN JUAN 20:13

Huan yehuanten quilije: —Nito, ¿leca tichocatica? Quinmilic: —Pampa quijcuanije noTeco huan amo nicmati capa quilalije.

SAN JUAN 20:15

Huan Jesús quilic: —Nito, ¿leca tichocatica? ¿Aqui tictemujtica? María quijtuaya pampa yihual yec in lacal hual quiztinemiaya in lajcotiyan, huan quilic: —Tata, sinda tel tiquihuicac, xichili capa ticlalic huan nehual nicuicatías.

SAN JUAN 7:30

Yoje, pehuaje ajsije pa quiquitzquilosquiaya. Ma yoje, amo cataya se lacal hual quilalic ima ipan, pampa ayamo ajsic itonali pa miquis.

SAN JUAN 7:6

Cuaquinon Jesús quinmilic: —Ayamo monequi pa nehual nías nipanquisas ca ompic, pampa ayamo ajsic in tonali. Pa amhuanten mojmosta unca in tonali.

SAN JUAN 7:8

Amhuanten xiacan pa in fiesta (ilhuil). Nehual ayamo nías pa in fiesta pampa ayamo ajsic notonali.

SAN JUAN 8:20

Innojen lajtomes quijtuc Jesús calijtic capa cajcoquiloaya in tomin pin tiopan hué, cataya nepa capa lamaxtiaya. Huan amaqui quiquitzquic, pampa ayamo ajsic in tonali pa yes laquitzquili.

2 CORINTIOS 5:16

Axan huan pa quiman, yajmo tiquitalo amaqui quinami quitalo yehuanten pin lalticpan hual amo quiximatilo Dios. Huan mas que tiquiximatinijme Cristo quinami quitalo yehuanten pin lalticpan, axan yajmo tiquiximatilo yojque.