SAN MATEO 8:10 - Nahuatl Northern Puebla

¹⁰ Ihcuac Jesús omocac inon, quen tel omomat, huan omoluihque in oc sequin aquin otecuitlapanuiyayahque: ―Ic nele, namechiluiya, ica nochin tlacamen israelteco ahmo aquin nicahsitoc ica in miyac itlaneltoquilis quen inin tlacatl romanohteco.

SAN MATEO 8:10 Iomraidhean Croise

SAN MATEO 15:28

Oncan in Jesús omihto: ―¡Quemach, tequin hueyi motlaneltoquilis, sihuatl! Matzonquisa quen ticnequi. Huan niman inon rato opahtic in ichpocau.

SAN MATEO 8:11

Namechiluiya quen hualasque miyac tlacamen den nohuiyan ipan in tlalticpactli, huan motlalisque tlacuasque ihuan in Abraham, huan Isaac, huan Jacob ipan tetlatequiutilistzin in Dios.

SAN MATEO 8:9

Masque nehhua noyojqui nechtequiutiya in oc sequin hueyixtoque, noyojqui nechpiyaltihtoque sequin soldados maniquintequiuti. Ihcuac niquiluis se de inohque mayau, quipiya tlen yas. Huan ihcuac niquiluis oc seya mahualau, quipiya tlen hualas. Huan ihcuac nictequiutis in notlaquehual, quipiya tlen quichihuas.

SAN MARCOS 6:6

Huan Jesús quen tel omomautoya quen yehhuan ahmo oteneltocayayahque. Huan onehnemohuayaya ipan in altepetohton tlahtlatentli in Nazaret, huan oquinnextililoc.

SAN LUCAS 5:20

Ihcuac in Jesús omoyolitaque quen oteneltocaque, oquiluiloc in cocoxqui: ―Tlacatl, motlahtlacoluan nimitztlapohpoluihtoc.

SAN LUCAS 7:50

Huan Jesús omoluic in sihuatl: ―Yinimitzmaquixtihtoc tleca oticneltocac huan xipactiu.

SAN LUCAS 7:9

Ic omocac inin, Jesús quen tel omomat ica inon tlacatl huan omocuepaloc ica inon tlacamen aquin otecuitlapanuiyayahque huan omihto: ―Ic nele, niyan ica namehhuan judeahtecos nicahsitoc in aquin quineltoca quen inin tlacatl.

HECHOS 2:7

Quen tel oquimautoyahque huan omoluiyayahque sequin huan oc sequin: ―Tlen huelis; ¿ahmo den Galilea inin tlacamen aquin tlahtohticaten?