SAN MATEO 5:3 - Nahuatl Northern Puebla

³ ―Quinyolpaquilismacalo yehhuan aquin quinehnehuiliyahque ahhuel maquisasque san insel, tleca poutoque yehhuan ipan tetlatequiutilistzin in Dios.

SAN MATEO 5:3 Iomraidhean Croise

SAN MATEO 11:25

Huan ic omonehnehuilihtehuac, in Jesús omihto: ―Nohueyitahtzin, huan Itecohtzin in neluicactli huan in tlalticpactli, nitemahuestiliya tleca motlatihtoc inin tlamatilistli ica in ixtlamatcamen, huan monextilihtoque ica in aquin ahmo machtihtoque.

SAN MATEO 11:6

Huan mapacto in aquin ahmo moxihxicohua ica nehhua.

SAN MATEO 13:16

’Huan xipactocan namehhuan, tleca nanquinehnehuiliyahque in tlen nanquitahque huan in tlen nanquicaquihque.

SAN MATEO 19:14

Huan in Jesús omihto: ―Xiquincahuacan in cocone mahualacan ica nehhua huan ahmo xiquintzecocan. Yehhuan aquin tlapoutoc ica tetlatequiutilistzin Dios intlamachilis ijcon quen inin cocone.

SAN MATEO 24:46

Huan pactoc inon tlaquehuali queman quiahsis iteco huan tequiutoc cuali.

SAN MATEO 25:34

Ijcon nehhuatl in hueyixtoc niquiniluis aquin caten ipan noyecman: “Xihualacan namehhuan in aquin mechuelitalohtoc ica Notahtzin. Axan Yehhuatzin mechsehuilos ipan tetlatequiutilistzin quen omechyectlalilo queman omochiu in tlalticpactli.

SAN MATEO 3:2

huan oquiniluic: ―Ximoyolcuepacan, tleca ayacmo huehca hualahxihuas in tetlatequiutilistzin Dios.

SAN MATEO 8:11

Namechiluiya quen hualasque miyac tlacamen den nohuiyan ipan in tlalticpactli, huan motlalisque tlacuasque ihuan in Abraham, huan Isaac, huan Jacob ipan tetlatequiutilistzin in Dios.

SAN MARCOS 10:14

Queman Jesús oquinitaloc, ocualanohuac huan oquiniluiloc: ―Xiquincahuacan in conemen mahualacan nechahsican huan ahmo xiquintzacuilican, tleca ipan tetlatequiutilistzin Dios nochin quineltocahque quen inin conemen.

SAN LUCAS 11:28

Huan Yehhuatzin omihto: ―Mapactocan ocachi in aquin quicaquihque tlen Dios mihtohua huan tetlacamatihque.

SAN LUCAS 18:14

Namechiluiya quen inin rendero ihcuac omocuep ichan yitlamelajcan ica in Dios, huan in fariseo ahmo. Tleca in aquin mohueyiliya quixtohuetzosque, huan in aquin ahmo mohueyiliya, yehhua mochihuas hueyi.

SAN LUCAS 22:29

Huan ic inon namechchihua quen tequihua ijcon quen Nohueyitahtzin onechchihualo,

SAN LUCAS 22:30

ic titlacuasque huan tiatlisque sansecnin ompa ihcuac nitlatequiutiya. Huan namechmacas in hueyilistli ic nantlixcomacasque ica in mahtlactli huan ome ololi den Israel.

SAN LUCAS 4:18

In Itiotonaltzin Notecohtzin nopan ca, tleca nechtocahhuilotoc ic niquinnonotzas ica in cuali tlahtoli inon prohues. Huan ic niquinyolchicahuas in aquin tlamohsihuilten. Huan niquincaquiltis in tlahtoli de temaquixtilistli inon tlahtlacolyohque, huan niquintlachiyaltis in ixpatzacten.

SAN JUAN 20:29

Oncan Jesús omoluic: ―Tomás, axan ticneltoca tleca yotinechitac. Pactoque in aquin masque ahmo nechitztoyahque, huan nechneltocasque.

SANTIAGO 1:10

Huan in tocniu aquin rico mapaqui queman Dios quiquixtililos ihueyilis. Tleca nochin tlen quipiya tlamis quen huaquis in xochitl, huan ahhuel huehcahuis.

SANTIAGO 1:12

Tequin pacmijqui in tlacatl ihcuac quixicos in tlamactilistli den itlaneltoquilis, tleca ihcuac yotlaxicoc ipan inemilis tlalticpac, quiselis inemilis Dios. Yeh in yecnemilistli tlen Dios oquinmonahuatili aquin ijcon tetlasohtlasque in Dios.

SANTIAGO 2:5

Notlasohicnihuan, xicaquican. Dios quintlapehpenilohtoc in aquin prohues ipan in tlalticpactli maahsitocan ricos ica tlaneltocalistli. Huan quinuaxcatilos in nemilistli nochipa tlen Dios oquiniluilohtoya ihuan aquin tetlasohtlasque.

APOCALIPSIS 19:9

Huan in ángel onechiluic: ―Xiquihcuilo: “Pactoque yehhuan aquin quinyecoltiyahque ica in tlacuali den mosihuautilistli den Colelohtzintli.” Huan ocachi onechiluic: ―Inihque in tlahtolten melahuac den Dios.

APOCALIPSIS 22:14

Pactoque yehhuan aquin quipacahque intlaquen, maquincahuilican quicuasque itlaquilyo in cohuitl den nemilistli huan maquincahuacan calaquisque ipan in puerta den altepetl.

APOCALIPSIS 3:17

Tel, namehhuan nanquihtohuahque mach nanricos, huan molui nanquicuahticaten, huan ahmo tlen mechpolohua. Huan ahmo nanmonehnehuiliyahque tla namehhuan niyan aquin namoca, huan namprohues, huan nanixpatzaque huan nanxipetzten.