Rut 4:17 - Icamanal Toteco

¹⁷ Huan quema icalnechcahua Noemí quiitaque, quiijtojque: ―¡Tacajtoc se icone Noemí! Huan quitocaxtalijque Obed. Huan Obed moscalti huan elqui itata Isaí huan ihueyi tata David.

Rut 4:17 Iomraidhean Croise

Rut 4:16

Huan Noemí quimocuitahui nopa piloquichpiltzi ica paquilisti quej elisquía icone.

Rut 4:18

Ya ni inintoca iteipan ixhuihua Fares cati itztoya huejcajquiya huan cati elqui ihuejcapan tata Booz. Fares quipixqui icone itoca Hezrón,

Rut 4:22

Huan teipa Obed motacachijqui huan quipixqui icone cati itoca Isaí. Huan Isaí motacachijqui huan quipixqui icone cati itoca David.

1 SAMUEL 16:1

Teipa TOTECO quiilhui Samuel: ―¿Hasta quema tamis timocuesos por Saúl? Ayecmo xichoca pampa na ayecmo nijnequi para elis tanahuatijquet ipan Israel. Xijtemiti se cuacuajti ica aceite cati ica titetequitalía por na pampa nijnequi xiya ichaj Isaí cati itztoc altepet Belén. Nimotapejpenilijtoc se icone para ma elis notanahuatijca.

1 SAMUEL 17:12

Huan David eliyaya icone Isaí cati itztoya ipan pilaltepetzi Belén ipan tali Judá. Huan Isaí eliyaya huehuentzi huan quinpixtoya chicueyi iconehua huan David eliyaya cati más teipan ejquet.