Rut 2:4 - Icamanal Toteco

⁴ Huan ipan nopa tonali Booz quisqui Belén, huan ajsito imila huan quintajpalo nopa pixcani: ―¡Ma TOTECO itzto amohuaya! Huan quiilhuijque: ―¡Ma TOTECO mitztiochihua!

Rut 2:4 Iomraidhean Croise

GÉNESIS 18:19

Na nijtapejpenijtoc para ma quinnextili iconehua ma quineltocaca notamachtil huan ma quichihuaca nochi cati cuali huan cati xitahuac. Huan na niquinchihuilis nochi cati cuali niquilhuijtoc.”

GÉNESIS 28:3

Toteco Cati Quipiya Nochi Chicahualisti ma mitztiochihua huan ma mitzmaca miyac moixhuihua para ipan ta ma quisaca nelmiyaqui masehualme cati itztose ipan miyac talme.

1 CRÓNICAS 2:51

Salma, cati teipa quinpixqui iconehua cati inintoca eliyaya Belén huan Haref cati teipa quipixqui icone cati itoca Bet Gader.

SALMOS 118:26

¡Ma TOTECO mitztiochihua ta cati tihuala ipan itoca! Timitztiochihuaj hasta campa ichaj TOTECO.

SALMOS 134:3

Ma amechtiochihua TOTECO ten nopona ipan altepet Sion, Quena, ma amechtiochihua Toteco cati quichijchijqui ilhuicacti huan taltipacti.

JEREMÍAS 31:23

Huan TOTECO Cati Quinyacana Iilhuicac Ejcahua Ma Tatanitij huan ininTeco israelitame, quiijtohua: “Quema sempa niquinhualicas ipan tali Judá huan ialtepehua, nopa masehualme cati quinhuicatoyaj seyoc tali, inijuanti quiijtose: ‘¡Ma TOTECO quitiochihua ni tepet cati tatzejtzeloltic campa tanahuatía cati xitahuac!’

NÚMEROS 6:24

‘Ma TOTECO mitztiochihua huan ma mitzmocuitahui.

LUCAS 1:28

Huan Gabriel calajqui campa María itztoya huan quiilhui: ―Xipaqui ta cati Toteco mitzcualita. Toteco itztoc mohuaya huan achi más mitztiochijtoc que sequinoc sihuame.

2 TESALONICENSES 3:16

Toteco, yaya cati temaca tasehuilisti, ma amechmaca tasehuilisti mojmosta masque ten hueli amechpanotihuala. Toteco ma itzto amohuaya nochi amojuanti.

1 TIMOTEO 6:2

Huan sinta toicnihua cati tatequipanohuani quipiyaj ininteco cati nojquiya quineltocaj Toteco, ma amo quicahuaca quintepanitaj. Monequi achi más cuali ma quintequipanoca pampa ininteco nojquiya eli iniicni ipan Jesucristo. Huan inintequi cati cuali cati nopa tatequipanohuani quichihuaj quipalehuis se taneltocaquet cati Toteco quiicnelía. Huajca Timoteo, xiquinmachtijtinemi huan xiquincamanalhuijtinemi ten ni tamachtili.

2 TIMOTEO 4:22

Tohueyiteco Jesucristo ma itzto ica motonal, Timoteo. Huan ma quipiya hueyi iyolo ica nochi amojuanti nopona. Quej nopa ma eli.

JOSUÉ 24:15

Pero sinta amo anquinequij anquitequipanose TOTECO, huajca xijtapejpenica ama ni tonali ajquiya anquitequipanose. ¿Anquinhueyichihuase nopa teteyome cati amohuejcapan tatahua quintepanitaque huejcajquiya ipan seyoc inaliyo nopa hueyi hueyat o inintaixcopincayohua nopa amorreos campa ama anitztoque? Pero xijmatica ya ni: Na ica nochi nochampoyohua tijtequipanose TOTECO.

JUECES 6:12

Huan iilhuicac ejca TOTECO monexti iixpa Gedeón huan quiilhui: ―TOTECO itztoc mohuaya huan tielis se soldado cati tahuel motemacas ipan tatehuilisti.

JUECES 6:16

Huan TOTECO quinanquili: ―Na niitztoc mohuaya huan tiquintanis nopa madianitame quej elisquía san se tacat.

Rut 2:3

Huajca Rut yajqui ipan se mili huan quisentilijtiyajqui cati quitepejtiyahuiyayaj nopa pixcani. Huan quimatqui para nopa mili eliyaya iaxca Booz iteixmatca Elimelec cati ya mictoya.

Rut 2:5

Huan teipa Booz quitatzintoquili nopa tacat cati quinyacanayaya nopa pixcani: ―¿Ajquiya iteixmatca ne ichpocat?

Rut 4:11

Huan nopa huehue tacame huan nochi cati nopona itztoyaj tananquilijque: ―Quena, tojuanti titestigos. ¡TOTECO ma quichihuas nopa sihuat cati calaquis ipan mochaj ma eli quej tohuejcapan nanahua Raquel huan Lea, pampa nochi tiisraelitame tihualajque ten inijuanti! Huan ta xieli se hueyi tacat ipan altepet Belén huan nochi ma camanaltica para mitztepanitase.

1 SAMUEL 17:37

Elqui yaya TOTECO cati techmanahui ten nopa león huan nopa oso huan yaya nojquiya techmanahuis ten imaco ni filisteo. Huajca Saúl quiilhui David: ―Huajca xiya huan TOTECO ma yahui mohuaya.