Rut 2:13 - Icamanal Toteco

¹³ Huan Rut quinanquili: ―Tascamati. Nelía cuali moyolo ica na, huan mocamanal techyolchicajtoc pampa technojnotztoc ica taicnelili. Techpalehuijtoc masque amo monequi. Na yon amo niitztoc se motequipanojca.

Rut 2:13 Iomraidhean Croise

GÉNESIS 32:6

Huan quema nopa tayolmelahuani mocuetque, quiilhuijque Jacob: ―Tiyajque tiquitatoj moicni, Esaú huan ya huala para mitzseliqui ihuaya 400 tacame.

GÉNESIS 33:10

Pero Jacob quiilhui: ―Amo, xijchihua se favor, xiquinseli pampa nimitzmaca. Para na nimitzita, eltoc quej niquita ixayac Toteco pampa techselijtoc ica cuali.

GÉNESIS 33:15

Huan Esaú quiijto: ―¡Cualtitoc! Techcahuili ma nimitzcahuilijtehua se ome tacame cati hualahuij nohuaya. Pero Jacob quiilhui: ―¡Amo! Amo ximocuatotoni. Cati ipati eltoc para tojuanti tiome ma tiitztoca ica cuali.

GÉNESIS 33:8

Huan Esaú quiilhui Jacob: ―¿Taya timoilhuía tijchihuas ica nochi nopa tapiyalme cati niquinpantijtihualajqui? Huan Jacob quiilhui: ―Nijnequi nimitzmacas ta, noicni, para techseli ica cuali.

GÉNESIS 34:3

Pero masque ya nopa quichihuili, nopa telpocat nelía quiixtocac huan quiicneli huan quicamanalhui Dina ica nochi iyolo para nojquiya ma quiicneli.

GÉNESIS 43:14

Toteco Dios Cati Quipiya Nochi Chicahualisti ma amechtasojta. Ma amechpalehui iixpa nopa tacat para ma quicahuili nopa seyoc amoicni huan Benjamín para ma hualaca amohuaya. Huan ica na, sinta monequi niquinpolos noconehua, huajca quej nopa ma eli.

2 SAMUEL 16:4

Huan David quiilhui Siba: ―Huajca na nimitzmactilía ama nochi cati iaxca Mefi Boset. Huan Siba mohuijtzonqui hasta talchi iixpa quej quihueyitepanitayaya. Huan quitascamatqui huan yajqui.

PROVERBIOS 15:33

Sinta tiquimacasi huan tijtepanita TOTECO mitzchihuas tielis titalnamiqui. Huan cati moechcapantalía iixpa ya, teipa quipantis tatepanitacayot.

OSEAS 2:16

“Huan teipa ipan nopa tonali israelitame techtocaxtise Ishi huan ayecmo elise quej se tequipanojquet cati quitocaxtía iteco Baali.” Quej nopa quiijtohua TOTECO.

FILIPENSES 2:3

Amo aqui ma quichihua se tamanti pampa quinequi mohueyichihuas iniixpa sequinoc. Ma amo aqui mohueyimati. Más cuali ximoechcapanoca. Sese ten amojuanti xiquinitaca nochi sequinoc quej más huejhueyi que amojuanti.

JUECES 19:3

Huan teipa ihuehue motanantejqui huan quitoquili para quinojnotzati ica taicnelili para ma huala ihuaya. Huan nopa tacat nojquiya quihuicac se itequipanojca huan se ome burrojme. Huan nopa sihuat quiseli ihuehue ica cuali huan quihuicac ichaj itata para ma quiixmati.

Rut 2:12

¡Ma TOTECO mitztaxtahui! ¡Ma mitzpalehui TOTECO Dios cati toTeco tiisraelitame huan cati ipan timotemachijtoc huan ma mitztaxtahui por nochi cati tijchijtoc!

Rut 2:14

Huan teipa quema ajsic hora para tacuase, Booz quinotzqui Rut huan quiilhui: ―Nica xihuala, xitacuaqui tohuaya. Eltoc pantzi huan xijxoloni ipan ni vinagre cati tasencahuali. Huan Rut mosehui ihuaya itequipanojcahua huan Booz quimacac cebada tahuatzali. Huan Rut tacuajqui hasta ixhuic, huan noja mocajqui nopa tacualisti cati quimacatoya.

1 SAMUEL 1:18

Huan Ana quinanquili: ―Tascamati, tate. Sinta techtasojta, xijchihua se favor, ximotatajti por na. Huan Ana quisqui ica miyac paquilisti, huan tacuajqui huan ayecmo mocueso.

1 SAMUEL 25:41

Huajca Abigail, mohuijtzonqui hasta talchi ica miyac tatepanitacayot huan quiijto: ―Na niitztoc para nijchihuas nochi cati David technahuatis hasta niquinicxipajpacas itequipanojcahua sinta quej nopa technahuatis.