NÚMEROS 9:22 - Icamanal Toteco

²² Sinta nopa mixti moquetzayaya ipan nopa yoyon tiopamit campa TOTECO itztoya se ome tonati, o se metzti, o se xihuit, nochi nopa israelitame mocahuayayaj nopona huan ayecmo nejnemiyayaj. Pero quema nopa mixti motananayaya, inijuanti quistehuayayaj huan quitoquiliyayaj.

NÚMEROS 9:22 Iomraidhean Croise

SALMOS 107:7

Quinyacanqui xitahuac ipan se ojti cati temachti. Huan quinhuicac ipan se altepet para nopona ma itztotij.

SALMOS 143:10

Techmachti ma nijchihua cati ta tijnequi pampa ta tinoTeco Dios. MoTonaltzi ma nechyacana campa cuali ojti.

SALMOS 32:8

TOTECO quiijtohua: “Na nimitztalnamictis huan nimitznextilis nopa ojti cati más cuali, cati monequi ipan timonejnemiltis. Na nimitzconsejomacas huan nimitztachilijtos.

SALMOS 48:14

Pampa ni Toteco Dios, yaya elis toDios para nochipa, huan amo quema tamis ichicahualis. Yaya techyacanas mojmosta hasta más nepa quema ya timictose.

SALMOS 73:24

Huan nijmati para motamachtil quisenhuiquilis nechyacanas ipan nochi nonemilis. Huan teipa, quema nimiquis, techselis nepa mochaj campa tacuajcualtzi.

SALMOS 77:20

Huan ipan ni ojti tiquinyacanqui momasehualhua quej elisquía pilborregojtzitzi inimaco Moisés huan Aarón.

ÉXODO 39:42

Huan nopa israelitame quichijque nochi senquisa quej TOTECO quinahuatijtoya Moisés.

ÉXODO 40:16

Huan Moisés quichijqui nochi senquisa quej TOTECO quinahuatijtoya.

NÚMEROS 1:54

Huajca nopa israelitame quichijque senquisa nochi cati TOTECO quinahuati Moisés.

NÚMEROS 8:20

Huajca Moisés, Aarón huan nochi israelitame quichijque ica nopa levitame nochi cati TOTECO quinahuatijtoya Moisés ma quichihuaca.

NÚMEROS 9:17

Quema nopa mixti mijcueniyaya ten nopa yoyon tiopamit, nopa israelitame quistehuayayaj huan quitoquilijtiyahuiyayaj. Huan quema nopa mixti moquetzayaya huan ayecmo nejnemiyaya, nopa israelitame nopona quiquetzayayaj iniyoyoncalhua.

NÚMEROS 9:21

Huan quema nopa mixti moquetzayaya ten se tiotac hasta ijnaloc, huajca nopa israelitame moquetzayayaj. Huan quema ica ijnaloc nopa mixti motananayaya, inijuanti nojquiya motananayayaj huan quitoquiliyayaj. Pero masque tonaya o tayohua quema mijcueniyaya nopa mixti, inijuanti quistehuayayaj para quitoquilise senquisa quej TOTECO tanahuatijtoya.

HECHOS 1:4

Huan quema Jesús noja itztoya inihuaya itayolmelajcahua, quinnahuati ma mocahuaca ipan altepet Jerusalén hasta hualas Itonal Toteco. Quinilhui: ―Ximochiyaca nica hasta hualas Itonal Toteco cati Notata amechtencahuili amechtitanilis. Xiquelnamiquica na nojquiya nimechilhuijtoc ten ya.