NÚMEROS 7:12 - Icamanal Toteco

¹² Huajca ipan nopa achtohui tonali, quimactili inemac Naasón, icone Aminadab, ipan nopa hueyi familia Judá.

NÚMEROS 7:12 Iomraidhean Croise

GÉNESIS 35:22

Huan quema Israel mocahuayaya nopona, Rubén motecato ihuaya Bilha, se itequipanojca itata. Huan itata quimatqui huan tahuel cualanqui. Huan Israel quinpixqui 12 itelpocahua.

GÉNESIS 35:23

Nopa coneme cati quinpixqui ihuaya Lea elque: Rubén iachtohui ejca, Simeón, Leví, Judá, Isacar huan Zabulón.

GÉNESIS 49:10

Amo aqui huelis quiquixtis nopa tanahuatili cati moteipan ixhuihua quipiyase. Yon amo aqui hueli quinquixtilis nopa tepos cuatopili cati quipiyase para ica tetatzacuiltise. Quipiyase tanahuatili para nochipa. Huan teipa hualas moteipan ixhui cati temacas tasehuilisti. Yaya cati nelía iaxca nopa tepos cuatopili huan nopa tanahuatili para tanahuatis. Huan masehualme ipan nochi talme campa hueli quichihuase cati yaya quinilhuía.

GÉNESIS 49:8

Ta tiJudá, moicnihua mitzpaquilismacase. Huan tiquinitzquis mocualancaitacahua ininquechta huan tiquintanis. Hasta moicnihua motancuaquetzase para mitztepanitase.

NÚMEROS 1:5

Ya ni inintoca nopa tayacanani cati amechpalehuis ten sesen hueyi familia: Familia, Tayacanquet Rubén, Elisur, icone Sedeur Simeón, Selumiel, icone Zurisadai Judá, Naasón, icone Aminadab Isacar, Natanael, icone Zuar Zabulón, Eliab, icone Helón Efraín, icone José, Elisama, icone Amiud Manasés, icone José, Gamaliel, icone Pedasur Benjamín, Abidán, icone Gedeoni Dan, Ahiezer, icone Amisadai Aser, Pagiel, icone Ocrán Gad, Eliasaf, icone Deuel Neftalí, Ahira, icone Enán

NÚMEROS 10:14

Huan achtohui motecpanque para nejnemise cati quihuicayayaj ibandera nopa tatehuijca pamit Judá. Huan Naasón, icone Aminadab, quinyacanayaya nopa hueyi familia Judá.

NÚMEROS 2:3

“Nopa tacame ten nopa huejhueyi familias ten Judá, Isacar huan Zabulón quiquetzase iniyoyoncalhua huan ininbandera ica campa quisa tonati ten nopa yoyon tiopamit. Huan nica eltoc inintoca sesen hueyi familia, inintayacanca huan quesqui tacame hueliyayaj yahuij tatehuitij: Familia, Tayacanquet, Quesqui Judá, Naasón, icone Aminadab, 74,600 Isacar, Natanael, icone Zuar, 54,400 Zabulón, Eliab, icone Helón, 57,400

NÚMEROS 7:11

Huan TOTECO quiilhui Moisés: “Mojmosta ipan sesen tonal quema anquitatzejtzelolchihuase nopa taixpamit, xijcahua para san setzi tayacanquet ma techmactili cati quihualicac.”

NÚMEROS 7:13

Huan inemac eliyaya se hueyi plato ixsepantic ten plata huan ietica eliyaya se kilo huan tajco, ihuaya se hueyi taza ten plata ica ietica quej tajco kilo ipan itatamachihual nopa yoyon tiopamit. Huan nopa plato huan nopa hueyi taza quihualicac temitoc ica harina cati achi más cuali maneltic ica aceite para se tacajcahualisti ten harina.

MATEO 1:4

Aram quipixqui se icone cati quitocaxti Aminadab. Huan Aminadab quipixqui se icone cati quitocaxti Naasón. Naasón quipixqui se icone cati quitocaxti Salmón.

LUCAS 3:32

cati eliyaya icone David, cati eliyaya icone Isaí, cati eliyaya icone Obed, cati eliyaya icone Booz, cati eliyaya icone Salmón, cati eliyaya icone Naasón,

Rut 4:20

Teipa Aminadab moscalti huan quipixqui icone cati itoca Naasón.