NÚMEROS 24:8 - Icamanal Toteco

⁸ Toteco Dios cati quinquixti ipan tali Egipto itztoc inihuaya. Yaya ininchicahualis quej se hueyi toro quipiya huejhueyi icuacua. TOTECO quintzontamiltilis nochi masehualme ipan nochi talme cati quincualancaitaj. Quena, quinpostequilis iniomiyo, huan quinmictis ica cuataminti.

NÚMEROS 24:8 Iomraidhean Croise

SALMOS 2:9

Xiquinnahuati chicahuac quej se tanahuatijquet cati tanahuatía ica teposti imaco para ica tetatzacuiltis. Quena, xiquinomiyopojpostequi mosisinijca masehualme quej elisquíaj soqui chachapalme.” (Quej nopa TOTECO quitequimacac itanahuatijca ma quichihua.)

SALMOS 21:12

Inijuanti moicancuepase para cholojtehuase quema quiitase para tiquinmelaita ica mocuahuitol para tiquintehuis.

SALMOS 45:5

Tatentili nopa cuataminti cati tijhuica, huan quinajsis iniyoltipa mocualancaitacahua quema tiquinmelaitas, huan tiquinmajcahuilis. Ma huetzica moicxita nochi ten campa hueli talme campa quintepanitaj teteyome.

SALMOS 45:6

Toteco Dios, titanahuatis para nochipa huan amo quema tamis. Quena, motanahuatilis elis senquisa xitahuac.

ÉXODO 23:22

Pero sinta nelía anquicaquise cuali nochi cati nimechilhuía huan anquichihuase nochi cati nimechnahuatijtoc, na nielis niinincualancaitaca amocualancaitacahua huan niquintaijyohuiltis cati amechtaijyohuiltise.

ISAÍAS 38:13

Nitzajtziyaya seyohual por nopa tacuajcualoli ipan notacayo. Hasta nijmachiliyaya quej elisquía se león techpojpostequilía noomiyohua. San se yohuali huan se tonal huan nimiquis.

JEREMÍAS 50:17

TOTECO quiijtohua: “Israelitame itztoque quej borregojme cati quintepotztocaj tecuanime hasta quinsemanaj campa hueli. Eltoc quej achtohui nopa tanahuatijquet ten tali Asiria quincuajqui, huan teipa Nabucodonosor, tanahuatijquet ten tali Babilonia, quinpostequili iniomiyohua.

JEREMÍAS 50:9

Pampa xiquitaca, na niquintananas miyac soldados ten nopa talme cati mocahuaj ica norte huan niquinhualicas para ma quitehuiquij tali Babilonia. Huan nochi inijuanti cuali quiixmatij para quitequihuise cuataminti. Huan quema quimajcahuase inincuataminhua, nochipa ajsise campa quinequiyayaj.

Daniel 6:24

Huajca nopa tanahuatijquet tanahuati ma quincuitij nopa tacame cati quitelhuijtoyaj Daniel, ica inisihuajhua huan ininconehua, huan quinmajcajque osto ijtic campa itztoyaj nopa tecuanime. Huan ayemo onajsiyayaj hasta tatzinta quema nopa leones huitonque inincuitapa huan quincuajque.

NÚMEROS 14:9

Pero amo xiquixpanoca TOTECO, yon amo xiquinimacasica nopa tacame nopona, pampa nimantzi tiquintanise. Amo aqui huelis quinmanahuis pampa TOTECO itztoc tohuaya. Huajca amo ximajmahuica.

NÚMEROS 21:5

huan pejque ten hueli camanaltij ica Toteco Dios huan ica Moisés. Quiijtohuayayaj: ―¿Para ten antechquixtijque ipan tali Egipto para ma timiquica ipan ni huactoc tali? ¡Amo teno onca cati huelis tijcuase, yon at para tiquise! ¡Huan techyolajsic ni maná cati techmaca para tijcuase pampa nelía fiero!

NÚMEROS 23:22

Quej se hueyi toro quipiya icuacua, ni masehualme quipiyaj TOTECO quej ininchicahualis, yaya cati quinquixti ipan tali Egipto.

NÚMEROS 23:24

Ni masehualme motananaj huan temajmatíaj, quej se tecuani cati amo mosiyajquetza, hasta quicuas cati moitzquilijtoc, huan quiis ieso cati momictilijtoc.”

MATEO 2:15

Huan inijuanti mocajque nepa hasta mijqui Tanahuatijquet Herodes. Toteco quinilhuijtoya ma yaca tali Egipto para ma tamis cati itajtolpanextijca Toteco quiijto huejcajquiya campa quiijto: “Na nijnotzas Nocone ma quisas tali Egipto.”

DEUTERONOMIO 32:23

Nielis quej se cati quinmajcahuilis cuataminti, pampa nijtitanis ipan inijuanti nochi cati amo cuali.

DEUTERONOMIO 32:42

Nochi nocuataminhua nijchihuas xolontoc ica inieso. Huan ica nomacheta niquintzontamiltis nochi inijuanti. ¡Quena, ipan nomacheta oncas inieso cati niquinmijmictijtoc huan cati niquinitzquitoc! ¡Nojquiya quipiyas inieso inintayacancahua nocualancaitacahua cati quipiyaj inintzoncal huehueyac!’

DEUTERONOMIO 7:1

“TOTECO Dios amechchihuas xicalaquica ipan nopa tali cati anmoaxcatise, huan quintzontamiltis amoixpa nopa heteos, gergeseos, amorreos, cananeos, ferezeos, heveos huan jebuseos, masque tahuel miyaqui huan más quipiyaj chicahualisti que amojuanti.

JOSUÉ 2:10

Tijcactoque quenicatza Dios amechhuachili nopa at ipan nopa Hueyi At Chichiltic para huelqui anquiixcotonque quema anquisque tali Egipto. Nojquiya tijcactoque quenicatza anquintzontamiltijque Sehón huan Og, nopa ome inintanahuatijcahua amorreos cati itztoyaj ipan nopa seyoc inaliyo hueyat Jordán.