NÚMEROS 24:4 - Icamanal Toteco

⁴ Nijcactoc icamanal Toteco cati quipiya nochi chicahualisti, huan niquitztoc para yaya cati quipiya nochi chicahualisti huan cati technextilijtoc. Huan quema nihuetzqui iixpa, techtapohuili noixteyol huan nochi nijmachili. Huajca ya ni cati techilhui para ininpantis:

NÚMEROS 24:4 Iomraidhean Croise

GÉNESIS 15:1

Teipa TOTECO quinotzqui Abram ipan se tanextili cati elqui quej se temicti huan quiilhui: “Amo ximajmahui, Abram, pampa na nimitzmocuitahuis. Motaxtahuil elis nelhueyi.”

GÉNESIS 15:12

Huan quema ya tatayohuatoya, Abram nelcochqui huan quimatqui para hualajqui ipan ya se tzintayohuilot huan tahuel majmahuiyaya.

1 REYES 22:17

Huajca Micaías quiilhui: “Ipan se tanextili ten TOTECO niquitac quenicatza elis. Niquinitac nochi nopa israelita soldados cati mosemantoyaj, ipan cuatitamit campa hueli, quej pilborregojtzitzi cati amo quipiyaj inintamocuitahuijca. Huan TOTECO techilhui: ‘Ni masehualme ya mijqui ininteco, huajca xiquintitani ininchajchaj ica tasehuilisti.’ ”

SALMOS 89:19

Ipan se tanextili tijcamanalhui motatzejtzeloltijca profeta huan tiquilhui: “Ten nochi masehualme nijtapejpenijtoc se cuajcualtzi telpocat cati tahuel motemaca, huan nijtequitali ma eli tanahuatijquet para na.

EZEQUIEL 1:28

Huan yahualtic ten ya chicahuac cahuaniyaya se tamanti quej nopa acosamalot cati monextía quema huetzi at. Quej nopa nesiyaya itatanex TOTECO. Huan quema niquitac, nihuetzqui talchi ica noxayac huan nijcajqui itoscac cati nechcamanalhuiyaya.

NÚMEROS 12:6

TOTECO quinilhui: “Xijtacaquilica ni tamanti cati nimechilhuis: Quema nimechtitanilía se tajtolpanextijquet para itztos amohuaya, na niamoTECO, nimonextía ica ya ipan se temicti o nimocamanalhuía ihuaya ipan se tanescayot.

NÚMEROS 22:20

Huan ica tayohua Toteco Dios monexti campa itztoya Balaam huan quiilhui: ―Pampa nopa tacame hualajtoque para mitzcuiquij, ximijquehua huan xiya inihuaya. Pero san tijchihuas cati na nimitzilhuis.

NÚMEROS 22:31

Huajca TOTECO quichijqui para Balaam ma quiita iilhuicac ejca cati mosehuijtoya tajco ojti ica se macheta imaco. Huan Balaam motancuaquetzqui hasta moixtaltenamijqui.

NÚMEROS 24:15

Huajca Balaam sempa camanaltic quej se tachixquet huan quiijto ni camanali: “Ya ni nocamanal niBalaam, niicone Beor. Ama cuali niquita cati huala.

NÚMEROS 24:5

Nelía paquij iteipan ixhuihua Jacob por nopa tatiochihualisti cati quinchiya. Tayejyectzi elis campa ininchajchaj israelitame huan nopona oncas paquilisti.

HECHOS 10:10

Huan Pedro mayanayaya huan tahuel quinequiyaya tacuas, pero nopa sihuame noja quichihuayayaj nopa tacualisti. Huan elqui quej Pedro pejqui cochi huan quiitac se tanextili quej se temicti.

HECHOS 10:19

Huan Pedro noja moilhuiyaya ten nopa temicti huan Itonal Toteco quiilhui: “Xiquita, eyi tacame mitztemohuaj.

HECHOS 22:17

“Teipa nitacuepili nica Jerusalén huan se tonali nimotatajtiyaya ipan Toteco ipan tohueyi israelita tiopa huan niquitac se tanextili cati eliyaya quej se temicti.

APOCALIPSIS 1:10

Huan ipan se tonali cati taiyocatalili para Tohueyiteco, elqui quej ichicahualis Itonal Toteco hualajqui ipan na huan pejqui niitztoc quej nitatemiquiyaya. Huan nijcajqui se cati camanaltic chicahuac ica noica. Huan nijcajqui icamanal quej elisquía se tapitzali.

APOCALIPSIS 1:17

Huan quema niquitac Jesucristo quej nopa, nihuetzqui iicxita quej nimictoc. Huan yaya nechtalili imanejmat huan techilhui: “Amo ximomajmati. Na niipejya huan niitamiya nochi cati onca.

1 SAMUEL 19:24

Huan Saúl moquixtili iyoyo huan itztoya xolot. Huan mocajqui xolot iixpa Samuel nochi nopa tonali huan nopa yohuali quiseliyaya camanali ten Toteco. Yeca nopona pejqui nopa camanali cati masehualme motajtaniyayaj: “¿Saúl nojquiya eli se tajtolpanextijquet o amo?”