NÚMEROS 22:8 - Icamanal Toteco

⁸ Huan Balaam quinilhui: ―Ximocahuaca nica ni tayohua, huan nimechilhuis cati DIOS techilhuis ma nijchihua. Huan nopa huehue tacame mocajque nopa tayohua ihuaya Balaam.

NÚMEROS 22:8 Iomraidhean Croise

1 REYES 13:8

Pero nopa tajtolpanextijquet quinanquili nopa tanahuatijquet: ―Masque techmacas tajco ten nopa hueyi cali cati tijpiya, amo niyas mohuaya, yon amo nitacuas, yon amo niatis ipan ni lugar.

1 REYES 22:14

Huan Micaías quinanquili: ―Temachti niquijtos san cati noTECO techilhuis para niquijtos.

JEREMÍAS 12:2

Quej se cati quintoca cuame cati nimantzi monelhuayotíaj, moscaltíaj huan temacaj inintajca, ta tiquinchijqui nopa masehualme huan tiquintiochijtoc huan quisque cuali. Huan inijuanti quiijtohuaj para mitztascamatij por cati tiquinchihuilijtoc, pero ipan iniyolo amo mitzelnamiquij.

EZEQUIEL 33:31

Huan quena, inijuanti hualahuij quej nelía elisquíaj nomasehualhua huan mosehuíaj moixpa para quitacaquilise taya tiquijtohua, pero masque quicaquij, amo quichihuaj cati na niquinilhuía. Ica inincamac quiijtohuaj para teicnelíaj, pero amo cana. Pampa ipan iniyolo achi más quiicnelíaj inintomi.

NÚMEROS 12:6

TOTECO quinilhui: “Xijtacaquilica ni tamanti cati nimechilhuis: Quema nimechtitanilía se tajtolpanextijquet para itztos amohuaya, na niamoTECO, nimonextía ica ya ipan se temicti o nimocamanalhuía ihuaya ipan se tanescayot.

NÚMEROS 22:18

Pero Balaam quinnanquili: ―Masque Balac techmacasquía ichaj temitoc ica oro huan plata, na amo hueli nijchihuas se tamanti, yon cati hueyi, yon cati pisiltzi, cati TOTECO amo nechcahuilis ma nijchihua.

NÚMEROS 22:38

Huan Balaam quinanquili: ―Ama nimitzitaco. Pero amo hueli niquijtos san ten hueli camanali. San niquijtos nopa camanali cati Toteco techilhuis.

NÚMEROS 22:7

Huajca nopa huehue tacame ten tali Moab huan Madián yajque ica tomi inimaco para quitaxtahuise para ma quintelchihuaqui. Huan quema ajsitoj campa Balaam, quiilhuijque nochi cati quinilhuijtoya ma quiilhuica.

NÚMEROS 22:9

Huan Toteco quinojnotzqui Balaam, huan quitatzintoquili: ―¿Ajquiya ne tacame cati itztoque mohuaya?

NÚMEROS 23:12

Huan Balaam quinanquili: ―Monequi san niquijtos cati TOTECO techilhuis.

NÚMEROS 23:3

Huan teipa nopa tachixquet Balaam quiilhui Balac: ―Ximocahua nica ica motacajcahualis tatatili huan na niyas nepa para niquitas sinta TOTECO technamiquiqui. Teipa nimitzilhuis cati ya techilhuis para ma nimitzilhui. Huajca Balaam yajqui ipan se piltepetzi cati amo teno quipiya,

NÚMEROS 24:13

para masque Tanahuatijquet Balac techmacasquía ichaj temitoc ica oro huan plata, amo hueli niquixpanos cati techilhuía TOTECO. Amo teno cati cuali, yon cati amo cuali niquijtos san pampa na nijnequi niquijtos. San cati TOTECO techilhuía, ya nopa niquijtos. ¿Amo quej nopa niquinilhui?