NÚMEROS 22:4 - Icamanal Toteco

⁴ Huajca nopa moabitame quincamanalhuijque nopa huehue tacame ten Madián ehuani huan quinilhuijque: “Ne israelitame quitamiltise cati eltoc ipan total quej se huacax quitamicua sacat ipan se potrero.” Huajca Tanahuatijquet Balac cati tanahuatiyaya ipan nopa tali Moab,

NÚMEROS 22:4 Iomraidhean Croise

1 REYES 11:18

Teipa quistejque ipan altepet Madián huan ajsitoj ipan altepet Parán campa quinpantijque sequinoc tacame cati nopona ehuani huan mosentilijque inihuaya. Teipa ajsitoj ipan tali Egipto huan moixnextitoj iixpa Tanahuatijquet Faraón huan yaya quinmacac se cali. Nojquiya quinmacac tacualisti huan tali.

ÉXODO 15:15

Huan nopa tayacanani ten soldados ipan tali Edom, yon amo huelis taijyotilanase. Nopa tanahuatiani ten tali Moab huihuipicase ica majmajti. Huan ayecmo quipiyase chicahualisti inijuanti cati mooquichmatiyayaj ipan tali Canaán.

JEREMÍAS 48:38

Ipan nochi calme ten tali Moab huan ipan nochi calles, onca choquisti huan tequipacholi. Pampa na nijmajcahuili nohueyi cualancayo huan yeca nijtapanqui tali Moab quej se comit cati amo teno ipati.

NÚMEROS 22:2

Huan Balac, icone Zipor, cati eliyaya inintanahuatijca nopa moabitame, quiitztoya nochi cati nopa israelitame quinchihuilijtoyaj nopa amorreos.

NÚMEROS 22:7

Huajca nopa huehue tacame ten tali Moab huan Madián yajque ica tomi inimaco para quitaxtahuise para ma quintelchihuaqui. Huan quema ajsitoj campa Balaam, quiilhuijque nochi cati quinilhuijtoya ma quiilhuica.

NÚMEROS 24:17

Niquita se cati amo aqui ama. Yaya cati nijtachilía nopona hasta tahuel huejca, yaya hualas teipa. Monextis se sitali cati hualas ten iteipan ixhuihua Jacob. Yaya elis se hueyi Tanahuatijquet cati motananas ipan ni israelitame. Quintzonpechis Moab ehuani. Quintamiltis iteipan ixhuihua Set.

NÚMEROS 25:6

Huan quema Moisés noja camanaltiyaya, se israelita tacat panoc iixpa cati quihualicayaya se sihuat madianita hasta ipan ichaj. Huan nojquiya panoque iniixpa nochi nopa israelitame cati mosentilijtoyaj huan chocayayaj iixpa TOTECO nopona nechca icalte nopa yoyon tiopamit campa TOTECO mopantiyaya inihuaya.

NÚMEROS 31:1

Huan TOTECO quiilhui Moisés:

NÚMEROS 31:8

Quinmictijque Evi, Requem, Zur, Hur huan Reba cati eliyayaj nopa macuilti tanahuatiani ten madianitame. Huan nojquiya quimictijque Balaam, icone Beor ica macheta.

JUECES 11:25

¿Huelis ta timomati más ticuali que Balac, icone Zipor, cati elqui tanahuatijquet ipan tali Moab? Balac amo quintehui israelitame para quincuilis inintal quema yaya itztoya.

JUECES 6:1

Huan nopa israelitame sempa quichijque cati amo cuali iixpa TOTECO, huan yaya quintemactili inimaco nopa madianitame. Huan nopa madianitame quintaijyohuiltijque chicahuac para chicome xihuit,