NÚMEROS 22:12 - Icamanal Toteco

¹² Huajca Toteco quiilhui Balaam: ―Amo xiya inihuaya, yon amo xiquintelchihua nopa masehualme, pampa na niquintiochijtoc.

NÚMEROS 22:12 Iomraidhean Croise

GÉNESIS 12:2

Huan nimitzmacas miyac moixhuihua, huan niquinmiyaquilis moteipan ixhuihua hasta elise tahuel miyaqui masehualme ipan inintal. Nimitztiochihuas huan nijchihuas para campa hueli nochi ma mitzixmatica. Huan tielis se tatiochihualisti para sequinoc.

2 CRÓNICAS 31:10

Huajca nopa hueyi totajtzi Azarías cati elqui se iixhui Sadoc quinanquili huan quiilhui: “Ten nopa tonali quema masehualme pejque quihualicaj nochi ni tamanti ipan itiopa Toteco, tojuanti tijpixtoque miyac totacualis huan hasta mocajtoc tahuel miyac pampa TOTECO quintiochijtoc imasehualhua ica miyac tamanti.”

SALMOS 144:15

Quena, nelía paquij nopa masehualme ipan se altepet cati quej ni eltoc, huan amo quipiya cati fiero. Quena, nelía paquij cuali masehualme cati quipiyaj TOTECO quej ininDios, huan ipan ya motemachíaj.

SALMOS 146:5

Pero nelía paqui nopa masehuali cati quipixtoc quej itapalehuijca yaya cati iTeco Jacob, huan san ipan TOTECO iDios motemachía para quimocuitahuis.

ISAÍAS 61:9

Ipan nochi taltipacti quiixmatise iniixhuihua imasehualhua TOTECO huan quinhueyitepanitase. Huan nochi quinitase para nopa masehualme TOTECO quintiochijtoc.

MIQUEAS 6:5

“Nomasehualhua, amo anquielnamiquij Balac nopa tanahuatijquet ten tali Moab cati quinequiyaya amechsosolos huan quitajtani nopa tajtolpanextijquet Balaam icone Beor ma amechtatelhui. Pero na nijfuerzajhui Balaam ma amechtiochihua. ¿Amo anquielnamiquij nochi cati yejyectzi nimechchihuili quema anitztoyaj ipan ojti ten Sitim hasta Gilgal? Nijchijqui para anquimatque para na, niamoTECO, huan nijchihua cati xitahuac.”

NÚMEROS 22:11

Quiijtohuaj hualajtoque tahuel miyac masehualme ten tali Egipto huan quiquetzaj iniyoyoncalhua campa hueli hasta quitamitzacuaj nochi tali, huan ama mochantalijtoque iixmelac. Quinequi ma niya nimantzi huan ma niquintelchihua nopa masehualme para huelis quintanis huan quinquixtis.

NÚMEROS 22:13

Huajca ica ijnaloc Balaam mijquejqui huan quinilhui nopa tacame cati Balac quintitantoya: ―Xitacuepilica ipan amotal, pampa TOTECO amo nechcahuilía ma niya amohuaya.

NÚMEROS 22:6

Xihuala nimantzi huan techtelchihuiliqui ni masehualme, pampa inijuanti más tetique que tojuanti. Huelis quej nopa nihuelis niquintanis huan niquinquixtis ipan ni tali. Pampa cuali nijmati quema ta tijtiochihua se acajya, nelía quiselía se tatiochihuali huan quema ta tijtelchihua se acajya, nelía quiselía se tatelchihuali.”

NÚMEROS 23:23

Amo aqui hueli quintelchihuas ni iteipan ixhuihua Jacob. Ni israelitame amo teno huelis quinchihuilis se tenahualhuijquet. Nochi quiijtohuaj: ‘Toteco Dios quinchihuilijtoc huejhueyi tamanti.’

NÚMEROS 23:3

Huan teipa nopa tachixquet Balaam quiilhui Balac: ―Ximocahua nica ica motacajcahualis tatatili huan na niyas nepa para niquitas sinta TOTECO technamiquiqui. Teipa nimitzilhuis cati ya techilhuis para ma nimitzilhui. Huajca Balaam yajqui ipan se piltepetzi cati amo teno quipiya,

NÚMEROS 23:8

Pero amo hueli niquintelchihuas sinta Toteco amo quintelchijtoc. Amo hueli niquincualancaitas cati TOTECO amo quincualancaita.

NÚMEROS 24:9

Nopa israelitame itztoque quej se tecuani cati motectoc para mosiyajquetzas, huan amo aqui motemaca para quiixitis. ¡TOTECO quintiochihuas cati amechtiochihuaj, anisraelitame, huan quintelchihuas nochi cati amechtelchihuaj!”

MATEO 27:19

Huan quema Pilato mosehuijtoya ipan isiyaj ipan nopa lugar para tetajtolsencahuas, isihua quititanili se camanali huan quiilhui: “Amo teno xijchihuili Jesús pampa yaya se tacat xitahuac. Tayohua niquitac tamanti fiero ten ya ipan se temicti.”

ROMANOS 11:29

Huan Toteco amo moyolpata. Cati yaya temaca, amo quema tequixtilía. Huan quema Toteco quinnotzas masehualme para iaxcahua, amo quema moyolpatas huan quintahuelcahuas.

EFESIOS 1:3

Ma tijpaquilismacaca Toteco Dios, yaya cati iTata Toteco Jesucristo, pampa techtiochijtoc ica nochi tamanti tatiochihuali cati cuali nepa ilhuicac pampa titatzquitoque ipan Jesucristo.

DEUTERONOMIO 2:7

Techilhui ma tijtacaquilica pampa yaya techtiochijtoya ipan nochi tamanti cati tijchijtoyaj. Techmocuitahuijtoya ipan toojhui ipan huactoc tali huan ipan nochi nopa 40 xihuit yaya itztoya tohuaya huan amo teno techpolojtoya. Nochi ya ni technahuati TOTECO Dios.

DEUTERONOMIO 23:5

pero amoTECO Dios amo quinejqui quitacaquilis Balaam. Huan quipatac nopa tatelchihualisti ica se tatiochihualisti para amojuanti, pampa yaya amechicnelía.

DEUTERONOMIO 28:6

TOTECO amechtiochihuas ipan nochi tamanti cati anquichihuase. Amechtiochihuas quema anhualahuij huan quema anyahuij.

DEUTERONOMIO 33:29

Tahuel antatiochihualme anisraelitame. Amo aquijme sequinoc masehualme quej amojuanti cati amechmaquixtijtoc TOTECO. Yaya cati amechmanahuía huan amechpalehuía. Yaya quej amomacheta cati ica antatanise. Por ya nochi amocualancaitacahua motancuaquetzase amoixpa, huan ininpa anmoquetzase.”

DEUTERONOMIO 7:14

Más anelise antatiochihualme que nochi sequinoc masehualme. Ipan nochi amojuanti, amo oncas yon se sihuat cati amo huelis conepiyas. Huan nochi tacame quipiyase ininconehua. Nojquiya ipan amotapiyalhua, amo oncas oquichme cati amo taxinachose, yon amo oncas sihua tapiyalme cati amo huelis conepiyase.