NÚMEROS 22:11 - Icamanal Toteco

¹¹ Quiijtohuaj hualajtoque tahuel miyac masehualme ten tali Egipto huan quiquetzaj iniyoyoncalhua campa hueli hasta quitamitzacuaj nochi tali, huan ama mochantalijtoque iixmelac. Quinequi ma niya nimantzi huan ma niquintelchihua nopa masehualme para huelis quintanis huan quinquixtis.

NÚMEROS 22:11 Iomraidhean Croise

GÉNESIS 27:29

Miyac masehualme ma mitztequipanoca. Ma motancuaquetzaca moixpa, masehualme ten miyac talme. Xiquinnahuati moicnihua. ¡Huan ma motancuaquetzaca moixpa nochi cati monana quintacatilti! Cati mitztelchihuase elise tatelchihualme. Huan cati mitztiochihuase elise tatiochihualme.”

NÚMEROS 22:10

Huan Balaam quinanquili: ―Balac, icone Zipor, cati tanahuatía ipan tali Moab quintitantoc para ma technotzaquij.

NÚMEROS 22:12

Huajca Toteco quiilhui Balaam: ―Amo xiya inihuaya, yon amo xiquintelchihua nopa masehualme, pampa na niquintiochijtoc.

NÚMEROS 23:11

Huajca nopa Tanahuatijquet Balac quiilhui Balaam: ―¿Taya tijchijtoc? Na nimitzhualicac para xiquintelchihua nocualancaitacahua, huan ta tiquintiochijtoc.

NÚMEROS 23:7

Huajca Balaam quiijto ni camanali: “Techchijtoc ma nihuala nica nopa hueyi Tanahuatijquet Balac ipan ni tali Moab. Huan nihualajtoc ten nopa tepeme ipan tali Aram ica campa quisa tonati. ‘Xihuala’, yaya techilhui, ‘xiquintelchihuaqui ni israelitame. Xijcahua mocualancayo ma tejco ica inijuanti para ma ininpanti cati fiero.’

NÚMEROS 24:10

Huajca quema Tanahuatijquet Balac quicajqui nopa camanali cati Balaam quiijto, tahuel cualanqui ica ya, huan momatejtejtzonqui huan quiilhui: ―Na nimitznotzqui para xiquintelchihua nocualancaitacahua, huan ta hasta eyi huelta tiquintiochijtoc.

JOSUÉ 24:10

Pero amo nijcajqui ma amechtelchihuaqui Balaam. Nijchihualti ma amechtiochihua miyac hueltas huan quej nopa nimechmanahui ten Balaam.

1 SAMUEL 17:43

Huan nopa filisteo quiilhui David: ―Na amo nichichi para tihualas technamiquiqui ica se cuahuit momaco. Huan nopa filisteo quitelchijqui David ica inintoca itaixcopincayohua.