NÚMEROS 17:8 - Icamanal Toteco

⁸ Huan tonili quema Moisés sempa yajqui ipan nopa yoyon tiopamit, quiitac ya chamantoya icuatopil Aarón cati eliyaya ten nopa hueyi familia ten Leví. Huan icuatopil Aarón quipixtoya ichamanca, ixochiyo, huan hasta nojquiya temacatoya almendras icsitoc.

NÚMEROS 17:8 Iomraidhean Croise

GÉNESIS 40:10

cati quipixqui eyi imacuayo. Huan nopa xocomeca cuahuit chamanqui, huan cahuanqui ixochiyo, huan temacac itajca. Huan teipa icsic itajca.

SALMOS 110:2

TOTECO quichihuas para titanahuatis ten altepet Jerusalén, huan tiquinnahuatis mocualancaitacahua cati campa hueli itztoque.

CANTARES 2:3

“Quema ta cati nimitzicnelía timopantía tatajco sequinoc tacame, tiitztoc quej se manzana cuahuit cati mopantía inihuaya sequinoc cuame. Nelía techpactía nimosehuis itantita nopa manzana cuahuit para ma techecahuili. Huan nelía tzopelic nijmachilía itajca.

ISAÍAS 4:2

Ipan nopa tonali, nopa ichamanca cati TOTECO quichihuas ma onca elis hueyi huan tahuel yejyectzi. Huan nopa israelitame cati noja mocahuase tahuel paquise ica nochi nopa pixquisti huan cuatacti cati temacas nopa tali.

EZEQUIEL 17:24

Huan quej nopa, nochi quimatise para na niDIOS cati nijquixtis se tanahuatijquet cati hueyi huan nijtalis cati nijnequi huan nijchihuas ma moscalti huejcapa. Eltoc quej nijtzintzontequis se cuahuit cati huejcapantic huan nijhuejcapantalis se cuahuit cati eltoya pisiltzi. Nojquiya quimatise para na nihueli nijchihua ma huaqui se cuahuit cati xoxohuic huan na nijchihua ma xoxohuiya se cuahuit cati huactoc. Na niDIOS niquijto para quej nopa nijtalis se tanahuatijquet huan quena, nijtalis.’ ”

EZEQUIEL 19:12

Pero hualajque cati quihuihuitaque nopa xocomecat, ica miyac cualancayot huan quitahuisojque hasta talchi. Huan nochi imacuayohua postejque huan huajque, pampa quinajsic se ajacat cati huala ica campa hualquisa tonati. Huan itajca quiajsic tit huan tamitatac.

EZEQUIEL 19:14

Huan ipan imacuayohua quisqui se hueyi tit cati quitamitati itajca. Quej nopa TOTECO quitatzacuilti ni tanahuatijquet cati nopa macuayot quinextía. Huajca ama nopa israelitame cati nopa xocomeca tzonti quinixnextía ayecmo quipiyas imacuayohua cati tejtetic. Ayecmo quisas ipan imacuayohua cati huelis mochihuase icuatopilhua se tanahuatijquet.’ ” Ya ni eltoc se mijca huicat huan quej nopa monequi motequihuis quema ajsis hora.

NÚMEROS 16:5

Teipa quiilhui Coré inihuaya cati quitoquiliyayaj: ―Mosta ica ijnaloc TOTECO quinextis ajquiya inijuanti iaxcahua huan ajquiya inijuanti quinita para tatzejtzeloltique huan ajquiya quitapejpenijtoc para quinechcahuis ica tacajcahualisti, pampa san cati TOTECO quitapejpenis huelis quimactilis tacajcahualisti.

NÚMEROS 17:5

Huan na nijchihuas para ma chamani icuatopil cati na nijtapejpenijtoc. Huan ica ya ni nopa israelitame ayecmo techcualancamacase pampa amechejelnamiquij.”

NÚMEROS 17:9

Huajca Moisés quinquixti nochi nopa cuatopilme cati eltoya iixpa TOTECO huan quinnextili nochi nopa israelitame. Huan nopa israelita tayacanani san quitachilijque cati panotoya huan sesen quicuic icuatopil.

HEBREOS 9:4

Huan nopona eltoya nopa taixpamit ten oro campa quitatíaj copali huan nopa caxa ten cuahuit cati quialtijtoyaj senquisa ica oro. Huan iijtic nopa caxa quipixtoya se xarro ten oro ica se quentzi ten nopa pantzi cati huetzqui ten ilhuicac cati itoca maná. Huan nojquiya quipixqui icuatopil Aarón cati chamanqui. Huan nojquiya quipixtoya nopa ome tepatacti cati ipan quiijcuilojtoya nopa majtacti tanahuatilme.