NÚMEROS 13:3 - Icamanal Toteco

³ Huajca senquisa quej TOTECO quinahuati ma quichihua, Moisés quichijqui. Quintitanqui tayacanca israelitame cati itztoyaj ipan nopa huactoc tali Parán para ma yaca ipan nopa cuali tali.

NÚMEROS 13:3 Iomraidhean Croise

NÚMEROS 10:12

Huajca nopa israelitame quistejque ipan nopa huactoc tali cati itoca Sinaí huan quitoquilijque. Huan teipa nopa mixti moquetzato ipan nopa huactoc tali cati itoca Parán.

NÚMEROS 12:16

Teipa motanantejque ten campa itztoyaj campa itoca Hazerot huan yajque quiquetzatoj ininchajchaj ipan nopa huactoc tali cati itoca Parán.

NÚMEROS 13:2

“Xiquintitani tacame para ma tachiyatij quenicatza eltoc nopa tali Canaán cati na nimechmacas anisraelitame. Xijtitani se tayacanca tacat ten sesen hueyi familia.”

NÚMEROS 13:26

tacuepilijque ipan Cades ipan nopa huactoc tali Parán campa itztoyaj Moisés, Aarón huan nochi nopa sequinoc israelitame. Huan quinpohuilijque nochi cati quipantijtoyaj huan quinnextilijque nopa cuatajcayot cati oncayaya ipan nopa tali.

NÚMEROS 13:4

Huan ya ni itoca sesen tayacanquet ten sesen hueyi familia cati yajque: Familia, Tayacanquet Rubén, Samúa, icone Zacur Simeón, Safat, icone Horí Judá, Caleb, icone Jefone Isacar, Igal, icone José Efraín, Oseas, icone Nun Benjamín, Palti, icone Rafú Zabulón, Gadiel, icone Sodi Manasés, icone José, Gadi, icone Susi Dan, Amiel, icone Gemali Aser, Setur, icone Micael Neftalí, Nahbi, icone Vapsi Gad, Geuel, icone Maqui

NÚMEROS 32:8

Quej nopa quichijque amotatahua quema niquintitanqui ten Cades Barnea para ma quitajtachilitij nopa cuali tali.

NÚMEROS 34:17

“Para temajmacase nopa tali niquintapejpenijtoc Eleazar nopa totajtzi huan Josué, icone Nun.

DEUTERONOMIO 1:19

“Huan tiquisque ten tepet Horeb quej TOTECO Dios technahuati. Huan tijpanotinenque nochi nopa huactoc tali cati tahuel hueyi huan tatemajmati quej anquimatij. Huan tiyajque ipan tepeme campa nopa amorreos huan teipa tiajsique tali Cades Barnea.

DEUTERONOMIO 1:23

“Huan nijcualcajqui cati quiijtojque huan niquintitanqui 12 tacame, se tacat ten sesen hueyi familia.

DEUTERONOMIO 9:23

Huan sempa anquicualanijque ipan Cades Barnea, quema TOTECO amechnahuati: ‘Xitejcoca huan ximoaxcatitij nopa cuali tali cati nimechmacatoc.’ Sempa anmotzontochonchijque huan amo anquineltoquilijque para amechpalehuisquía, huan amo anquichijque cati amechilhui.

1 SAMUEL 25:1

Huan amo huejcajqui mijqui Samuel, huan nochi israelitame mosentilijque huan quichoquilijque. Huan quitalpachojque campa ichaj ipan altepet Ramá. Huan ipan nopa tonali David quisqui huan yajqui ipan nopa huactoc tali cati itoca Parán.