NÚMEROS 11:22 - Icamanal Toteco

²² Masque tiquinmictisquíaj nochi toborregojhua huan tohuacaxhua, amo quinaxilisquía para nochi. Masque tiquinmacasquía nochi michime cati itztoque ipan hueyi at, amo quinaxilisquía.

NÚMEROS 11:22 Iomraidhean Croise

2 REYES 7:2

Huan nopa tatequipanojquet cati quipalehuía nopa hueyi tanahuatijquet ma nejnemi quinanquili nopa tajtolpanextijquet huan quiilhui: ―Ya nopa amo mochihuas masque TOTECO Dios quitaposquía ventanas ipan ilhuicacti para ma huetzi tacualisti. Huan Eliseo quinanquili: ―Ta tiquitas ica moixteyol, pero amo teno ten ya nopa huelis tijcuas.

NÚMEROS 11:13

¿Canque hueli nijcuis nacat para quicuase nochi ni miyaqui israelitame? Nochi san techchoquilíaj huan techilhuíaj: ‘Techmaca nacat para tijcuase.’

NÚMEROS 11:21

Huajca Moisés quiijto: ―San tacame cati nejnemij nohuaya itztoque 600 mil huan iyoca sihuame huan coneme. ¿Quenicatza tiquijtohua techmacas nacat para tijcuase nochi se metzti?

NÚMEROS 11:23

Pero TOTECO quinanquili: ―¿Ta timoilhuía tahuel pilquentzi nochicahualis? Ama tiquitas sinta mochihuas o amo mochihuas cati niquijtohua.

MATEO 15:33

Huan tiimomachtijcahua tiquilhuijque: ―¿Canque tijpantise miyac pantzi quej monequi para nochi ni masehualme nica ipan ni huactoc tali pampa inijuanti nelía miyaqui?

MARCOS 6:37

Pero Jesús quinnanquili huan quinilhui: ―Xiquintamacaca amojuanti. Huan imomachtijcahua quiilhuijque: ―¿Tijnequi tiquijtos ma tiyaca tijcohuatij pantzi ten ome ciento tonali tequit para tiquintamacase nochi ni masehualme?

MARCOS 8:4

Huan imomachtijcahua quiilhuijque: ―¿Canque huelis tijpantise tacualisti para huelis tiquintamacase nochi ni masehualme nica ipan ni huactoc tali campa amo teno onca?

LUCAS 1:18

Huan Zacarías quitatzintoquili nopa ilhuicac ejquet: ―¿Quenicatza huelis nijmatis para temachti cati techilhuía? Nosihua huan na ya tihuehuejtixtoque.

LUCAS 1:34

Huajca María quitatzintoquili nopa ilhuicac ejquet: ―¿Quenicatza niconehue nielis, huan amo quema niitztoya ihuaya se tacat?

JUAN 6:9

―Nica itztoc se oquichpil cati quipiya ome pilmichtzitzi huan macuili pantzi, pero ya ni neltahuel pilquentzi para nochi ni masehualme quicuase.