LUCAS 9:34 - Icamanal Toteco

³⁴ Huan quema Pedro quiijtohuayaya nopa camanali, temoc se mixti huan quintzajqui huan nelía momajmatijque, pampa quiitaque temoyaya nopa mixti ipan inijuanti.

LUCAS 9:34 Iomraidhean Croise

ISAÍAS 19:1

Ya ni nopa camanali cati TOTECO techmacac ten taya ininpantis tali Egipto ehuani: Xiquitaca, TOTECO huala ipan se mixti para quintatzacuiltis cati itztoque ipan tali Egipto. Nopa teteyome ten Egipto huihuipicase iixpa ya huan nochi Egipto ehuani tahuel majmahuise ipan iniyolo.

Daniel 10:8

Huajca na niitztoya noseltitzi quema niquitac ni hueyi tanextili. Huan quema niquitac, niixchipahuixqui huan niyamanixqui. Nelía nimomajmati huan tanqui nofuerza.

LUCAS 9:33

Huan quema nopa ome ya itztoyaj para quisase, Pedro quiilhui Jesús: ―Tamachtijquet, cuali tiitztose nica. Ma tijchihuaca eyi pilxajcaltzitzi. Se para ta, seyoc para Moisés, huan seyoc para Elías. Pero Pedro nelía amo quimachiliyaya cati quiijtohuayaya.

LUCAS 9:35

Huan quicajque se cati quincamanalhui ipan nopa mixti huan quiijto: “Ya ni Nocone cati niquicnelía. Xijcaquica cati quiijtohua.”

APOCALIPSIS 1:17

Huan quema niquitac Jesucristo quej nopa, nihuetzqui iicxita quej nimictoc. Huan yaya nechtalili imanejmat huan techilhui: “Amo ximomajmati. Na niipejya huan niitamiya nochi cati onca.

JUECES 13:22

Huan Manoa quiilhui isihua: ―Temachti timiquise pampa tiquitztoque Toteco Dios.

JUECES 6:22

Huajca Gedeón quiitac para eliyaya iilhuicac ejca TOTECO huan quiijto: ―¡Ay TOTECO Cati Más Tijpiya Tanahuatili! Niquitztoc ixayac moilhuicac ejca.