LUCAS 9:20 - Icamanal Toteco

²⁰ Huan Jesús quintatzintoquili: ―Huan, ¿amojuanti? ¿Ajquiya anmoilhuíaj para na? Huan Pedro quinanquili: ―Ta tiCristo cati Toteco Dios techilhui techtitanilisquía.

LUCAS 9:20 Iomraidhean Croise

MATEO 22:42

Jesús quintatzintoquili: ―Anquimatij Toteco techilhui quititanis nopa Cristo ipan ni taltipacti. ¿Taya anmoilhuíaj? ¿Ajquiya icone elis Cristo? Huan inijuanti quinanquilijque: ―Yaya elis se iteipan ixhui Tanahuatijquet David ten huejcajquiya.

MATEO 26:63

Huan Jesús amo molini. Huan nopa hueyi totajtzi quiilhui: ―Nimitznahuatía xijtestigojquetza Toteco Dios cati itztoc, huan techilhui sinta tiIcone Toteco huan sinta tiCristo cati Toteco quiijto techtitanilisquía.

MATEO 5:47

Huan sinta san anquintajpalohuaj amohuampoyohua, amo teno cati cuali anquichijtoque. Masehualme cati amo quiixmatij Toteco nojquiya ya nopa quichihuaj.

MARCOS 14:61

Pero Jesús amo molini huan amo teno quinanquili. Huajca sempa nopa hueyi totajtzi quiilhui: ―¿Ta tiCristo, tiIcone Toteco cati nochi tijhueyimatij?

MARCOS 8:29

Huajca Jesús quintatzintoquili: ―Huan amojuanti, ¿ajquiya anquiijtohuaj para na? Huan Pedro quinanquili: ―Ta tiCristo cati Toteco Dios techilhui techtitanilisquía.

LUCAS 22:67

―Sinta ta tiCristo cati Toteco techilhui techtitanilisquía, huajca techilhui. Huan Jesús quinilhui: ―Sinta nimechilhuisquía, amo antechneltocasquíaj.

LUCAS 9:19

Huan imomachtijcahua quiilhuijque: ―Sequij quiijtohuaj ta tiJuan cati tecuaaltiyaya, pero sequinoc quiijtohuaj ta tiElías. Huan sequinoc quiijtohuaj ta tise tajtolpanextijquet cati huejcajquiya itztoya huan ama timoyolcuitoc.

JUAN 1:41

Huan Andrés yajqui xitahuac quitemoto iicni, Simón, huan quiilhui: ―Tijpantijque nopa Mesías. (Pampa inijuanti quitocaxtiyayaj nopa Cristo cati Toteco quiijto para quititanisquía ‘Mesías’ ipan inincamanal.)

JUAN 1:49

Huan Natanael quiilhui: ―Tamachtijquet, ta tiIcone Toteco. Ta titotanahuatijca cati technahuatis tiisraelitame ipan ni total.

JUAN 11:27

Huan Marta quiilhui: ―Quena, noTeco nijneltoca ta tiCristo, tiIcone Toteco. Tiitztoc yaya cati tijchiyayayaj para ajsis ipan totaltipac.

JUAN 20:31

Pero ni huejhueyi tanextili cati ijcuilijtoc ipan ni amat, niquijcuilojtoc para xijneltocaca para Jesús yaya nopa Cristo cati hualasquía huan yaya Icone Toteco Dios. Huan pampa anquineltocase, anquipiyase nemilisti yancuic para nochipa.

JUAN 4:29

―Xihualaca nohuaya, xiquitatij se tacat cati nechilhuijtoc nochi cati nijchijtoc. Xiquitatij sinta amo ya nopa Cristo.

JUAN 4:42

Huan quiilhuijque nopa sihuat: ―Ayecmo tijneltocaj Jesús san ica cati ta techilhui, pampa tojuanti toselti tijcactoque cati yaya techilhui, huan tijmatij yaya nelía nopa Cristo cati huelis quinmaquixtis nochi masehualme ipan taltipacti ten inintajtacolhua.

JUAN 7:41

Huan sequinoc quiijtohuayayaj para Jesús eliyaya nopa Cristo cati Toteco quiijto techtitanilisquía. Pero sequinoc quiijtohuayayaj para Jesús amo huelis elis nopa Cristo, pampa Cristo amo ehuas estado Galilea.

HECHOS 17:3

Quinnextiliyaya ipan Icamanal Toteco quenicatza monequiyaya taijyohuis nopa Cristo cati Toteco quititanisquía huan monequiyaya para yaya miquis huan sempa moyolcuis. Huan quinilhui: ―Ni Jesús cati nimechyolmelahua amantzi, yaya nopa Cristo.

HECHOS 8:36

Huan yajtiyahuiyayaj ipan ojti, huan ajsitoj campa se mantoc at huan nopa tacat quiilhui Felipe: ―Xiquita, nica onca at. ¿Huelis techcuaaltis?

HECHOS 9:22

Huan mojmosta Saulo quipixqui más chicahualisti para quinyolmelahuas israelitame ipan altepet Damasco ten Jesús. Huan quinnextili ica miyac tamanti para Jesús itztoya nopa Cristo cati Toteco quiijto quititanisquía. Huan nopa israelitame amo quimatiyayaj taya moilhuise.

1 JUAN 5:1

Nochi cati quineltocaj para Jesús itztoc nopa Cristo cati Toteco techilhui techtitanilisquía, inijuanti itztoque iconehua Toteco. Huan nochi cati quiicnelíaj Toteco Dios, nojquiya quinicnelíaj nopa sequinoc cati Toteco quinchijtoc iconehua.