LUCAS 6:21 - Icamanal Toteco

²¹ Xipaquica amojuanti cati anmayanaj ama, pampa anixhuise. Xipaquica amojuanti cati anchocaj ama, pampa anhuetzcase.

LUCAS 6:21 Iomraidhean Croise

GÉNESIS 17:17

Huan Abraham motancuaquetzqui huan mohuijtzonqui talchi para quihueyichihuas Toteco Dios, pero yolhuetzcayaya pampa amo quineltocayaya. San moilhuiyaya: “¿Quenicatza huelis nijpiyas se conet quema ya nijpiya 100 xihuit? Huan ¿quenicatza huelis Sara conepiyas quema ya quiaxiti 90 xihuit?”

GÉNESIS 21:6

Huajca Sara quiijto: “Toteco Dios quichijtoc ma nihuetzca, huan nochi cati quimatise para nijpixtoc se nocone huetzcase nohuaya.

SALMOS 107:9

Pampa Toteco quitamaca cati teicneltzi huan mayantinemi. Quiaixhuitis cati amictinemi.

SALMOS 119:136

Tahuel nichoca pampa miyac masehualme amo quitepanitaj moley.

SALMOS 143:6

Yeca nimomatanana moixpa huan nimitztemohua. Ipan noyolo tahuel nimitznequi quej se tali cati huactoc quinequi at.

SALMOS 17:15

Pero na niitztoc xitahuac moixpa, huan se tonali nimitzitas, TOTECO, huan yeca nipaqui. Se tonali quema niisas nijpiyas nochi cati nijtemojtinentoc, pampa niitztos monechca huan ica paquilisti timoixtachilise.

SALMOS 28:7

TOTECO, yaya nochicahualis huan notamanahuijca ten nochi cati mahuilili. Ipan ya nimoneltemachijtoc huan nechpalehuijtoc, yeca ipan noyolo nijpiya miyac paquilisti. Nihuicas huan nimitztascamatis, TOTECO.

SALMOS 65:4

¡Nelía tipaquij miyac tojuanti cati techtapejpenijtoc para ma tihualaca, huan ma tiitztoquij mohuaya ipan motiopa cati tatzejtzeloltic! ¡Ta techmacas hueyi paquilisti huan nochi cati cuali cati onca nopona!

ISAÍAS 25:6

Quena, ipan nopa tonali, TOTECO Cati Quinyacana Iilhuicac Ejcahua Ma Tatanitij quichihuas se hueyi tacualisti ipan Jerusalén para nochi masehualme ipan taltipacti. Huan oncas miyac tamanti tacualisti cati tahuel ajhuiyac. Oncas huacax nacat cati más tapejpenili huan oncas miyac xocomecat iayo cati más cuali.

ISAÍAS 30:19

Annomasehualhua cati anitztoque ipan altepet Jerusalén, ajsis tonali quema ayecmo anchocase. Ipan nopa tonali, quema TOTECO quicaquis anquitzajtzilise para ma amechpalehui, amechtasojtas miyac huan nimantzi amechnanquilis.

ISAÍAS 66:10

“Xiyolpaquica inihuaya Jerusalén ehuani nochi amojuanti cati anquiicnelíaj nopa altepet. Xipaquica ihuaya nochi amojuanti cati achtohuiya anmotequipachohuayayaj por ya.

JEREMÍAS 13:17

Pero sinta amo anquitacaquilise icamanal TOTECO, nimochoquilis noseltitzi ica tequipacholi pampa amojuanti tahuel anmohueyimatij. Chicahuac quisas noixayo ipan noixteyolhua pampa amechhuicase amojuanti cati animasehualhua TOTECO ipan sequinoc talme para antetequipanotij san tapic.

JEREMÍAS 31:25

Pampa na niquincahuas ma mosiyajquetzaca nopa masehualme cati siyajtoque. Huan niquinyolchicahuas inijuanti cati mocuesohuayayaj.”

JEREMÍAS 31:9

Chocatihualase ica miyac paquilisti para mocuepase ipan inintal. Huan niquinyacanas ica miyac teicnelijcayot hasta ajsitij ininchaj. Nejnentihualase iteno hueyat cati quipiya miyac at huan ipan se ojti cati xitahuac campa amo motepotanise. Pampa niitztoc ni ininTata israelitame huan niquinitas nopa israelitame cati ehuani tali Israel eltoc quej noachtohui cone cati más quiselis notatiochihual.

JEREMÍAS 9:1

Cuali elisquía sinta ipan notzonteco mochihuasquía se pileta ten at para nijpiyasquía noixayo para nichocas noja más. Quej nopa na nichocasquía para nochipa. Quena, nichocasquía tonaya huan tayohua por nomasehualhua cati mictoque.

EZEQUIEL 7:16

Huan nopa quentzi masehualme cati quisase huan yase cuatita para mochololtise, mocahuase iniselti quej se paloma huan sesen inijuanti mochoquilis por itajtacolhua.

EZEQUIEL 9:4

Huan quiilhui: “Xinejnemi ipan nochi calles ipan altepet Jerusalén huan xiquintalili se marca inincuaixco nochi nopa masehualme cati chocaj huan mocuesohuaj por nochi tajtacoli cati quiitaj sequinoc quichihuaj campa hueli.”

MATEO 5:4

Xipaquica amojuanti cati anmotequipachohuaj, pampa Toteco amechyoltalis.

MATEO 5:6

Xipaquica amojuanti cati ica nochi amoyolo anquitemohuaj quenicatza anquichihuase cati xitahuac. Anitztoque quej masehualme cati mayanaj huan amiquij para quichihuase cati cuali. Toteco amechixhuitis para melahuac anhuelise anquichihuase cati xitahuac.

LUCAS 1:53

Miyac tatiochihualisti Toteco quinmacatoc masehualme cati mayanayayaj, pampa quinixhuiti. Huan masehualme cati quipixque miyac tomi quinmajcajqui san inimax.

LUCAS 6:20

Huan Jesús quintachili imomachtijcahua huan quinilhui: “Xipaquica amojuanti cati anteicneltzitzi, pampa ancalaquise campa Toteco tanahuatía.

LUCAS 6:22

Xipaquica quema masehualme amechcualancaitaj huan amechquixtíaj. Xipaquica quema amechtelchihuaj huan amechtocaxtíaj amo ancuajcualme, pampa antechtoquilíaj na cati niMocuetqui Masehuali.

LUCAS 6:25

Tahuel anteicneltique cati anixhuij ama, pampa teipa anmayanase. Tahuel anteicneltique cati anhuetzcaj ama, pampa teipa anchocase huan antahuejchihuase.

JUAN 11:35

Huan Jesús chocac.

JUAN 4:10

Huan Jesús quinanquili: ―Sinta tijmatisquía cati Toteco Dios quinequi mitzmacas huan ajquiya na cati nimitztajtanía at, techtajtanisquía huan nimitzmacasquía at cati temaca nemilisti yancuic.

JUAN 6:35

Huan Jesús quinilhui: ―Na nieltoc nopa tacualisti cati nitemaca nemilisti yancuic para nochipa. Cati hualas campa na huan nechneltocas, amo teno más quitemos pampa ipan iyolo ayecmo mayanas, yon ayecmo amiquis.

1 CORINTIOS 4:11

Hasta ama tiitayolmelajcahua Toteco techpolohua ten ica tipanose. Timayanaj, tiamiquij huan amo tijpiyaj cati ica timopiquise. Amo tijpiyaj tochaj cati nelía toaxca huan miyac huelta tacame techhuitequij.

2 CORINTIOS 11:27

Nitequititoc chicahuac hasta tahuel nisiyajtoc. Quemantica amo nijpixqui yon se talojtzi para nicochis. Miyac huelta nimayanayaya huan niamiquiyaya miyac pampa amo nijpixqui tacualisti. Quemantica nisesecuiyaya pampa amo nijpixqui ten nimoquentis.

2 CORINTIOS 12:10

Quena, nipaqui pampa amo nitetic huan nipaqui quema masehualme nechtaijilhuíaj. Nipaqui quema amo nijpiya ten ica nipanos huan quema masehualme nechtaijyohuiltíaj. Nipaqui quema nijpano taohuijcayot pampa niquixmati Cristo, pampa quema amo nijpiya tetili, nimocuepa nitetic pampa Cristo nechmaca ten ya ichicahualis.

2 CORINTIOS 6:10

Masque tijpanoj tequipacholi, nochipa tipactoque. Masque titeicneltzitzi, tiquinricojchihuaj miyac masehualme para ma quipiyaca cati tahuel ipati nepa iixpa Toteco. Quemantica nesi para amo teno tijpiyaj, pero tijpiyaj nochi tamanti cati más monequi.

SANTIAGO 1:12

Toteco quintiochihuas nopa masehualme cati quiijyohuíaj huan amo tajtacolchihuaj quema huala tayejyecoli huan taohuijcayot. Toteco quinmacas se corona nepa ilhuicac. Quena, nopa corona eltoc nemilisti para nochipa cati yaya quinmacas quej quintencahuilijtoc quinmacas cati quiicnelíaj.

APOCALIPSIS 21:3

Huan nijcajqui se cati tzajtzic chicahuac ten nopa hueyi siyaj huan quiijto: “Xiquitaca ama Toteco Dios mochanti inihuaya imasehualhua huan yaya mocahuas inihuaya. Inijuanti itztose imasehualhua huan Toteco iselti itztos inihuaya quej ininTeco.

APOCALIPSIS 7:16

Ayecmo quema mayanase, yon amiquise. Huan ayecmo quintatis tonati, yon ayecmo quimatise tatotoniya chicahuac.