LUCAS 6:10 - Icamanal Toteco

¹⁰ Huan Jesús quintachili nopa tacame cati quiyahualojtoyaj, pero amo aqui molini. Huajca Jesús quiilhui nopa tacat: ―Xijxitahua momax. Huan yaya quixitajqui huan nimantzi mochicajqui.

LUCAS 6:10 Iomraidhean Croise

1 REYES 13:6

Huajca nopa tanahuatijquet quiilhui itajtolpanextijca Toteco: ―Nimitztajtanía ximotatajti ica moTECO Dios para ni nomax ma mochicahua. Huajca itajtolpanextijca TOTECO motatajti para ma mochicahua imax huan imax nopa tanahuatijquet mochijqui cuali quej ipa eltoya.

SALMOS 107:20

Toteco camanaltic huan mochicajque. Huan quej nopa quinmaquixti para amo miquise.

MARCOS 3:5

Huajca Jesús quintachili huan cualanqui. Motequipacho pampa nopa fariseos tahuel yoltetique. Huajca Jesús quiilhui nopa tacat: ―¡Xijxitahua momax! Huan quixitajqui imax huan cuali mochicajqui.

LUCAS 6:11

Huan tahuel cualanque nopa fariseos huan nimantzi pejque mocamanalhuíaj taya huelis quichihuilise Jesús.

LUCAS 6:9

Huan Jesús quinilhui nopa fariseos: ―Nimechchihuilis se tatzintoquili: ¿Taya quiijtohuaj nopa tanahuatilme para onca caquihuili para tijchihuase ipan sábado? ¿Huelis tijchihuase cati cuali o cati amo cuali? ¿Ma tiquinmaquixtica masehualme o ma tiquinmictica?

JUAN 5:8

Huan Jesús quiilhui: ―Ximoquetza, xijtanana mopet huan xinejnemi.