LUCAS 4:35 - Icamanal Toteco

³⁵ Huan Jesús quitacahualti iajacayo Amocualtacat huan quiilhui: ―Amo ximolini. Xiquisa ipan ni tacat. Huan nopa ajacat quimajcajqui nopa tacat talchi iniixpa nochi nopa masehualme, huan teipa quisqui ipan itacayo huan amo teno más quichihuili.

LUCAS 4:35 Iomraidhean Croise

SALMOS 50:16

Pero Toteco quinilhuía masehualme cati amo cuajcualme: “Amo anquipiyaj tequiticayot para ancamanaltise ten nopa camanal sencahuali, cati quiijtohua cati nimechmacas, yon amo hueli antepohuilise notanahuatilhua.

ZACARÍAS 3:2

Huan iilhuicac ejca TOTECO quiilhui Amocualtacat: “Ma TOTECO mitztatelhui, Amocualtacat. Yaya amo quiselía cati ica tijtelhuía ni tacat. Pampa TOTECO ya quitapejpenijtoc para quitasojtas Jerusalén. Huan yaya quitahuelcahuas cati ica tijtatelhuijtoc ni totajtzi. Ni tacat itztoc quej se cuapipitzti cati nijmanahuía ten se hueyi tit huan ya tajco tatatoc.”

MATEO 17:18

Huan Jesús quinahuati ma quisa iajacayo Amocualtacat cati calactoya ipan itacayo, huan yaya quisqui. Huan nopa oquichpil nimantzi mochicajqui.

MATEO 8:26

Huajca Jesús techilhui: ―¿Para ten anmajmahuij? Tahuel pilquentzi antechneltocaj. Huan yaya mijquejqui huan quitacahualti nopa ajacat huan nopa hueyi at huan ayecmo molinijque.

MARCOS 1:26

Huajca iajacayo Amocualtacat quichijqui nopa tacat ma huetzi ica se ajaca cocolisti. Huan tzajtzitejqui chicahuac huan quisqui ipan itacayo.

MARCOS 4:39

Huajca Jesús mijquejtiquisqui huan quitacahualti nopa ajacat huan quiilhui hueyi at: ―Amo ximolini, san xielto. Huan nopa ajacat moquetzqui huan nopa hueyi at ayecmo mojmolini.

MARCOS 9:26

Huan nopa ajacat tzajtzic, huan quimacac nopa oquichpil seyoc ajaca cocolisti cati chicahuac, huan quisqui. Huan nopa oquichpil mocajqui quej mictoc. Huan miyac quiijtohuayayaj para ya mictoc.

LUCAS 11:22

hasta quema hualas se quej na cati más tetic que ya huan quitanis. Huajca quena, huelis quicuilis nochi itepos ipan cati motemachía, huan huelis quihuicas nochi cati iaxca para quixelos ica sequinoc.

LUCAS 4:23

Huan Jesús quinilhui: ―Nijmati se tonali antechilhuise ni camanali: ‘Tepajtijquet ximopajti, huan timitzneltocase.’ Anquiijtose para anquicactoque nopa tiochicahualnescayot cati nijchijtoc ipan altepet Capernaum, huajca san se ma nijchihua nica ipan ni amoaltepe.

LUCAS 4:39

Huajca Jesús mohuijtzonqui campa huetztoya huan quinahuati nopa tatotonilot ma quisa. Huan nopa tatotonilot quicajtejqui, huan nimantzi moquetzqui nopa sihuat huan pejqui quintamaca.

LUCAS 4:41

Huan miyac masehualme nepa quinpixtoyaj iajacahua Amocualtacat huan nopa ajacame quisayayaj huan chicahuac quiijtohuayayaj ten Jesús: ―Ta tiIcone Dios. Pero Jesús quinnahuati nopa ajacame ma ayecmo camanaltica pampa inijuanti quiixmatiyayaj yaya itztoya nopa Cristo cati Toteco quiijto quititanisquía.

LUCAS 8:24

Huan imomachtijcahua hualajque campa Jesús, quiixitijque, huan quiilhuijque: ―Tamachtijquet, xiquita, timisahuijtinemij. Huajca Jesús mijquejqui huan quiajhuac nopa ajacat huan nopa hueyi at, huan nimantzi moquetzqui huan ayecmo moojolini.

LUCAS 9:39

Huan se iajacayo Amocualtacat quiitzquía, huan tzajtzi, huan nimantzi quitahuisohua ica se ajaca cocolisti, huan quichihua ma huihuipica chicahuac huan ma camaposoni. Quitaijyohuiltía nocone miyac huan amo quema quicahua.

LUCAS 9:42

Huan quema monechcahuiyaya ioquichpil, nopa ajacat quitahuiso talchi huan quimacac se ajaca cocolisti, huan pejqui chicahuac huihuipica. Pero Jesús quinahuati nopa ajacat ma quisa huan mochicajqui nopa oquichpil. Huan Jesús sempa quimactili itata.

APOCALIPSIS 12:12

Huajca ama ma paquica nochi cati itztoque ilhuicac. Pero ipan taltipacti tahuel temajmati para nochi masehualme cati itztoque ipan tali huan ipan hueyi at, pampa ya ajsico nopa Amocualtacat amohuaya. Yaya nelía mocualancamaca pampa quimati polihui pilquentzi tonali para Toteco quitajtolsencahuas.”