LUCAS 4:22 - Icamanal Toteco

²² Huan nochi nopa masehualme camanaltiyayaj cuali ten Jesús huan quitetzaitayayaj huan quitachiliyayaj ica icamanal cati nelía yejyectzi, pero motatzintoquiliyayaj: ―¿Amo ya ni icone José?

LUCAS 4:22 Iomraidhean Croise

SALMOS 45:2

Ta más ticuajcualtzi ten nochi sequinoc telpocame, huan cuajcualtzi cati tiquijtohua, pampa Toteco Dios mitztiochijtoc para nochipa.

SALMOS 45:4

Xitejco ipan cahuayo huan xitataniti ica nochi mohueyitilis. Ta tiquinmanahuía cati teicneltzitzi huan cati quichihuaj cati melahuac. Titetajtolsencahua xitahuac. Nelía huejhueyi tamanti tijchihua.

PROVERBIOS 10:32

Quema camanalti se cuali tacat, icamanal tepalehuía. Pero amo cuajcualme quiijtohuaj camanali cati tacajcayahua.

PROVERBIOS 16:21

Talnamiquini moixmatij pampa quimachilíaj miyac tamanti. Huan cati quitequihuíaj cuajcuali camanali quema camanaltij achi más mochihuaj talnamiquini.

PROVERBIOS 25:11

Quema se mitzilhuis se camanali cati quinamiqui cati mitzpalehuis ipan nopa talojtzi, nelía miyac ipati. Eltoc quej se manzana ten oro cati eltoc ipan se chiquihuit cati quichijchijtoque ica plata.

ECLESIASTÉS 10:12

Se talnamijca tacat camanalti ica yejyectzi pampa hueyi iyolo ica sequinoc. Pero icamanal se huihui tacat quichihua ma motaicancahua ica iseltitzi.

CANTARES 5:16

Nelía tzopelic icamac. Nochi ten ya senquisa cuali. Ansihuame ten altepet Jerusalén, quej nopa yaya cati niquicnelía. Yaya cati nohuampo.”

ISAÍAS 50:4

TOTECO Cati Más Quipiya Tanahuatili techchijtoc nitalnamijquet para nijmachilis taya camanali niquinilhuis nochi cati siyajtoque. Mojmosta ica ijnaloc techixitía huan quitapohua notacaquilis para ma nijmatis taya quinequi ma nijchihua.

LUCAS 2:47

Huan nochi tacame cati quicaquiyayaj cati Jesús quiijtohuayaya san quitachiliyayaj huan quitetzaitaque por italnamiquilis huan por icamanal pampa nelía cuali quinnanquiliyaya.

LUCAS 2:48

Huan quema itatahua quipantijque, quitetzaitaque. Huan inana quitatzintoquili: ―Nocone, ¿para ten timocajqui? Na ihuaya motata nelía timocuesojtoque huan timitztemojtinentoque.

LUCAS 21:15

pampa ipan nopa hora na nimechmacas talnamiquilisti huan nimechmacas nopa camanali cati monequi anquinilhuise, huan yon se amocualancaitaca amo huelis amechnanquilis.

LUCAS 4:21

Huan Jesús pejqui quincamanalhuía huan quinilhui: ―Ni camanali cati nijpojqui moijcuilo huejcajquiya huan camanalti ten na cati nimoquetza amoixpa. Huajca ama motamichihua cati quiijtohua.

JUAN 1:45

Huan Felipe quipantito Natanael huan quiilhui: ―Tijpantijtoque nopa tacat cati ica Moisés quiijcuilo huejcajquiya ipan itanahuatilhua. Nojquiya quiijcuilojque ten ya nopa tajtolpanextiani huejcajquiya huan quiijtojque para teipa hualasquía. Yaya Jesús, icone José, huan ehua altepet Nazaret.

JUAN 6:42

Huan quiijtojque: ―¿Quenicatza hueli quiijtohua hualtemoc ten ilhuicac? Yaya Jesús, icone José. Tiquixmatij itata huan inana nojquiya.

JUAN 7:46

Huan nopa policías ten tiopa quiijtojque: ―Amo quema tijcactoque se tacat cati camanalti nelía cuali quej ya camanalti.

HECHOS 6:10

Huan Esteban camanaltiyaya ica miyac talnamiquilisti cati Itonal Toteco quimacayaya huan inijuanti amo huelque quitanij.

TITO 2:8

Huan quema titamachtía, ximomocuitahui para mocamanal elis temachti para amo aqui huelis mitzejelnamiquis ica cati tiquijtohua. Huan quej nopa pinahuase cati techcualancaitaj pampa amo quipantise cati amo cuali para quiijtose ten tojuanti.