LUCAS 3:23 - Icamanal Toteco

²³ Huan Jesús quipixtoya se treinta xihuit quema quipehualti itequi huan pejqui nentinemi para tepohuilis icamanal Toteco. Huan masehualme moilhuiyayaj para eliyaya icone José. Huan José eliyaya icone Elí,

LUCAS 3:23 Iomraidhean Croise

GÉNESIS 41:46

Huan José quipiyayaya 30 xihuit quema pejqui quitequipanohua Faraón, nopa tanahuatijquet ipan tali Egipto. Teipa José quinahuatijtejqui Faraón huan pejqui yahui campa hueli ipan nochi tali Egipto.

2 SAMUEL 5:4

Huan David quipiyayaya 30 xihuit quema pejqui tanahuatía huan tanahuati 40 xihuit.

NÚMEROS 4:3

Ama xiquinpohuaca nochi tacame cati quipiyaj 30 hasta 50 xihuit huan cati huelise tequitise ipan nopa yoyon tiopamit campa timopantíaj.

NÚMEROS 4:35

Quinpojque cati quipiyayayaj 30 hasta 50 xihuit huan quinijcuilojque para quitequipanose TOTECO ipan nopa yoyon tiopamit campa timopantíaj.

NÚMEROS 4:39

Quinpojque cati quipiyayayaj 30 hasta 50 xihuit,

NÚMEROS 4:43

Quinpojque cati quipiyayayaj 30 hasta 50 xihuit huan quinijcuilojque para quitequipanose TOTECO ipan nopa yoyon tiopamit campa timopantíaj.

NÚMEROS 4:47

Huan nopa tacame cati quipiyayayaj 30 hasta 50 xihuit huan hueliyayaj tapalehuise ipan tiopamit huan tamamase,

MATEO 1:1

Ni amat quipiya inintoca ihuejcapan tatahua Jesucristo. Yaya se iteipan ixhui David huan se iteipan ixhui Abraham.

MATEO 1:16

Huan Jacob quipixqui se icone cati quitocaxti José cati moscalti huan mosihuajti ihuaya María. Huan María elqui inana Jesús. Huan Jesús elqui nopa Cristo cati Toteco Dios quititanqui ipan ni taltipacti.

MATEO 1:6

Huan Isaí quipixqui se icone cati quitocaxti David cati moscalti huan elqui nopa hueyi tanahuatijquet. Huan nopa hueyi tanahuatijquet David quipixqui se icone cati quitocaxti Salomón. Huan inana Salomón achtohui eltoya isihua Urías.

MATEO 13:55

Yaya san icone se cuatejquet. Inana itoca María huan itaca icnihua inintoca Jacobo, José, Simón huan Judas.

MATEO 4:17

Huajca ipan nopa tonali Jesús pejqui tacamanalhuía huan quinilhuiyaya masehualme: “Ximoyolpataca huan xijcahuaca cati amo cuali anquichihuaj sinta anquinequij ancalaquise campa tanahuatía Toteco Dios cati itztoc ilhuicac pampa yaya amechnechcahuía ama.”

MARCOS 6:3

Yaya san se cuaxinquet. Yaya icone María huan iicni Jacobo, José, Judas, huan Simón. Isihua icnihua nojquiya itztoque nica tohuaya. Huan yeca cati san sejco ehuani ihuaya Jesús amo quinejque quitacaquilise icamanal.

LUCAS 2:48

Huan quema itatahua quipantijque, quitetzaitaque. Huan inana quitatzintoquili: ―Nocone, ¿para ten timocajqui? Na ihuaya motata nelía timocuesojtoque huan timitztemojtinentoque.

LUCAS 3:31

cati eliyaya icone Melea, cati eliyaya icone Mainán, cati eliyaya icone Matata, cati eliyaya icone Natán,

LUCAS 4:22

Huan nochi nopa masehualme camanaltiyayaj cuali ten Jesús huan quitetzaitayayaj huan quitachiliyayaj ica icamanal cati nelía yejyectzi, pero motatzintoquiliyayaj: ―¿Amo ya ni icone José?

JUAN 1:45

Huan Felipe quipantito Natanael huan quiilhui: ―Tijpantijtoque nopa tacat cati ica Moisés quiijcuilo huejcajquiya ipan itanahuatilhua. Nojquiya quiijcuilojque ten ya nopa tajtolpanextiani huejcajquiya huan quiijtojque para teipa hualasquía. Yaya Jesús, icone José, huan ehua altepet Nazaret.

JUAN 6:42

Huan quiijtojque: ―¿Quenicatza hueli quiijtohua hualtemoc ten ilhuicac? Yaya Jesús, icone José. Tiquixmatij itata huan inana nojquiya.

HECHOS 1:1

Noicni Teófilo, achtohui nimitztajcuilhui huan nimitzilhui nochi cati Jesús quichijtiyajqui huan nochi cati tamachtijtiyajqui ten quema quipehualti itequi,