LUCAS 23:9 - Icamanal Toteco

⁹ Huajca Tanahuatijquet Herodes quitatzintoquili Jesús miyac, pero Jesús amo quinanquili.

LUCAS 23:9 Iomraidhean Croise

SALMOS 39:9

Nimocamatzacuas moixpa huan ayecmo nimolinis por cati nopanti, pampa ta techtatzacuiltía.

ISAÍAS 53:7

Yaya quitatzacuiltijque huan quitaijyohuiltijque, pero amo quinilhui yon se camanali. Quihuicaque quej quihuicaj se pilborregojtzi para quimictitij. Huan quej se borrego amo tzajtzi iniixpa nopa masehualme cati quiximaj, yaya amo teno quiijto para momanahuis iniixpa cati quitaijyohuiltiyayaj.

MATEO 27:12

Huan quema nopa tayacanca totajtzitzi huan nopa huehue tacame ten israelitame quitelhuiyayaj Jesús iixpa nopa gobernador, yaya amo molini.

MATEO 27:14

Pero noja Jesús amo teno tananquili, huan yeca nelía quitetzaitac nopa gobernador.

MATEO 7:6

“Amo xiquinmaca amo cuajcualme cati tatzejtzeloltic pampa quej chichime amechtanquechise. Yon amo xiquinmaca cati tahuel patiyo nopa masehualme cati itztoque quej pitzome, pampa san ipan moquejquetzase.

MARCOS 15:5

Pero Jesús amo teno quinanquili, huan Pilato san quitachili huan quitetzaitac.

LUCAS 13:32

Huan Jesús quinilhui: ―Xiquilhuitij nopa cayochi Herodes para ama huan mosta nijsenhuiquilis niquinquixtis iajacahua Amocualtacat huan niquinchicahuas masehualme, huan huicta nijtamiltis notequi.

LUCAS 23:10

Huan nopa tayacanca totajtzitzi huan tamachtiani ten itanahuatil Moisés moquetztoyaj nopona, huan chicahuac quitelhuiyayaj.

JUAN 19:9

Huan sempa calaquito ipan tequicali huan quitatzintoquili Jesús: ―¿Canque nelía tiehua? Pero Jesús amo quinanquili.

HECHOS 8:32

Huan yaya quipohuayaya ipan Icamanal Toteco campa quiijtohua: “Tacame quihuicase quej quihuicaj se borrego para quimictise. Huan quej se pilborregojtzi amo tzajtzi quema masehualme quiximaj, nojquiya amo teno quiijtos quema quihuicase para quimictise.

1 PEDRO 2:23

Quema masehualme quitaijyohuiltiyayaj Cristo, amo teno quinnanquiliyaya. Quema yaya taijyohuiyaya, amo quintemajmatiyaya para quincuepilis. Pero nochipa quincajqui cati fiero quichihuiliyayaj, imaco Toteco cati tetajtolsencahua xitahuac.