LUCAS 22:70 - Icamanal Toteco

⁷⁰ Huan inijuanti quitatzintoquilijque: ―Huajca ¿ta tiIcone Toteco Dios? Huan Jesús quinilhui: ―Quena, na niIcone.

LUCAS 22:70 Iomraidhean Croise

SALMOS 2:12

Ximotancuaquetzaca iixpa Icone TOTECO ica majmajti huan xijtzoponica. Sinta amo, antalochmiquise pampa nimantzi cualani. Pero nelía paquij masehualme cati motemachíaj ipan ya para ma quinpalehui.

SALMOS 2:7

Huan cati TOTECO quitapejpenijtoc para itanahuatijca quiijtos: Nitayolmelahuas cati TOTECO nechilhuijtoc huan ya ni cati quiijto: “Ta tiTanahuatijquet, tiNocone. Ama nitayolmelahua miyacapa para na nimoTata.

MATEO 26:25

Huan Judas cati quitemactilisquía quitatzintoquili Jesús: ―¿Huelis na, Tamachtijquet? Huan Jesús quinanquili: ―Quena, ta.

MATEO 26:64

Huan Jesús quiilhui: ―Quena, na niCristo. Huan nojquiya nimitzilhuía, teipa antechitase na cati niMocuetqui Masehuali quema nimosehuijtos inejmat Toteco Dios cati quipiya nochi chicahualisti. Huan antechitase quema sempa nihualas ipan mixti ten ilhuicac.

MATEO 27:11

Huan Jesús moquetztoya iixpa gobernador huan yaya quitatzintoquili: ―¿Ta tiinintanahuatijca israelitame? Huan Jesús quinanquili: ―Quena, na.

MATEO 27:43

Yaya nochipa motemachi ipan Toteco, huajca ma Toteco quimanahui amantzi, sinta quinequi, pampa yaya quiijto para Icone Toteco.

MATEO 27:54

Huan se capitán ihuaya isoldados cati quimocuitahuiyayaj Jesús quiitaque quema mohuiso tali, huan quiitaque nochi sequinoc tamanti cati panoyaya, huan tahuel momajmatijque huan quiijtojque: ―Nelía ni tacat elqui Icone Toteco.

MATEO 3:17

Huan Toteco Dios camanaltic ten ilhuicac huan quiijto: “Ya ni Nocone cati niquicnelía. Nijpiya miyac paquili ica cati quichihua.”

MATEO 4:3

Huan ajsico Amocualtacat huan quiilhui Jesús: ―Sinta nelía tiIcone Dios, huajca xijnahuati ni teme ma mocuepa pantzi.

MARCOS 14:62

Huan Jesús quiilhui: ―Quena, na. Huan antechitase na cati niMocuetqui Masehuali nimosehuijtos ipan inejmat Toteco Dios cati quipiya nochi chicahualisti. Huan antechitase quema nihualas ipan nopa mixti ipan ilhuicacti.

MARCOS 15:2

Huan Pilato quitatzintoquili Jesús: ―¿Ta tiinintanahuatijca israelitame? Huan Jesús quinanquili: ―Quena. Melahuac cati tiquijto.

LUCAS 22:71

Huan inijuanti moilhuijque se ica seyoc: ―Huajca amo aqui más monequi quitelhuis, pampa tojuanti ya tijcactoque cati ya quiijtojtoc. San ya nopa monequi.

LUCAS 23:3

Huan Pilato quitatzintoquili Jesús: ―¿Ta tiinintanahuatijca israelitame? Huan Jesús quinanquili: ―Quena, na niinintanahuatijca quej tiquijtohua.

LUCAS 4:41

Huan miyac masehualme nepa quinpixtoyaj iajacahua Amocualtacat huan nopa ajacame quisayayaj huan chicahuac quiijtohuayayaj ten Jesús: ―Ta tiIcone Dios. Pero Jesús quinnahuati nopa ajacame ma ayecmo camanaltica pampa inijuanti quiixmatiyayaj yaya itztoya nopa Cristo cati Toteco quiijto quititanisquía.

JUAN 1:34

Huajca ya nopa niquitac huan yeca nimechyolmelahua para ni tacat, yaya Icone Toteco Dios.”

JUAN 1:49

Huan Natanael quiilhui: ―Tamachtijquet, ta tiIcone Toteco. Ta titotanahuatijca cati technahuatis tiisraelitame ipan ni total.

JUAN 10:30

Na huan noTata san se tiitztoque.

JUAN 10:36

¿para ten anquiijtohuaj para na cati noTata nechiyocacajqui para se tequit tatzejtzeloltic huan nechtitanqui ipan ni taltipacti para nijchihuas, amo nijtepanita Toteco Dios pampa niquijto para niIcone Toteco?

JUAN 18:37

Huan Pilato quiilhui: ―¿Huajca melahuac titanahuatijquet? Huan Jesús quiilhui: ―Quena, nitanahuatijquet senquisa quej tiquijtohua. Para ya nopa nitacatqui ipan ni taltipacti. Nihualajqui nica para nitamachtis cati melahuac, huan nochi cati quinequij quimatise cati melahuac nechtacaquilíaj.

JUAN 19:7

Pero nopa tayacanca israelitame quinanquilijque: ―Tojuanti tiisraelitame tijpiyaj se tanahuatili cati quiijtohua monequi miquis pampa quiijto para yaya Icone Toteco.