LUCAS 22:34 - Icamanal Toteco

³⁴ Huan Jesús quiilhui: ―Nimitzilhuía Pedro, amo tzajtzis se cuapele ica ijnaloc hasta expa tiquijtos para amo techixmati.

LUCAS 22:34 Iomraidhean Croise

MATEO 26:34

Huan Jesús quiilhui: ―Nelía nimitzilhuía, ni yohuali quema ayemo tzajtzi se cuapele, tiquinilhuis masehualme expa para amo techixmati.

MATEO 26:74

Huan Pedro pejqui tatelchihua huan quitestigojquetza Toteco, huan quiijto: ―Amo niquixmati ne tacat. Huan nimantzi tzajtzic se cuapele.

MARCOS 14:30

Huan Jesús quiilhui: ―Melahuac nimitzilhuía, ipan ni tayohua quema noja polihui para tzajtzis se cuapele ica ompa, ta tiquinilhuis masehualme expa para amo techixmati.

LUCAS 22:33

Huan Simón Pedro quiilhui: ―Tohueyiteco, nimocahuas mohuaya masque nechtzacuase o nechmictise.

LUCAS 22:35

Huan Jesús quinilhui nochi imomachtijcahua: ―Quema nimechtitanqui huan nimechilhui amo xijhuicaca tomi, yon morral, yon tecacti, ¿taya amechpolo? Huan quinanquilijque: ―Amo teno techpolo.

LUCAS 22:61

Huan Tohueyiteco moicancuetqui huan quitachili. Huan Pedro quielnamijqui cati Tohueyiteco quiilhuijtoya: “Amo tzajtzis se cuapele ica ijnaloc hasta tiquijtos expa para amo techixmati.”

JUAN 13:38

Huan Jesús quinanquili: ―Techilhuía timotemacasquía para ma mitzmictica pampa techneltoca. Pero nelía nimitzilhuía, ipan ni tayohua quema noja polihuis para tzajtzis se cuapele para tanesis, ta tiquijtojtos expa para amo techixmati.

JUAN 18:27

Huan Pedro sempa quiijto para amo, huan nima tzajtzic se cuapele.