LUCAS 2:44 - Icamanal Toteco

⁴⁴ Inijuanti moilhuiyayaj hualayaya ica nopa miyaqui masehualme cati nejnemiyayaj san sejco. Huan quema ya nejnentoyaj se tonal, pejque quitemohuaj campa inihuicalhua huan inihuampoyohua,

LUCAS 2:44 Iomraidhean Croise

SALMOS 42:4

Quema niquelnamiqui quenicatza eliyaya achtohuiya nepa ipan notal, eltoc quej atiya noyolo. Niyahuiyaya inihuaya miyaqui masehualme hasta ichaj Toteco Dios. Na niquinyacanayaya nochi hasta ichaj ipan nopa hueyi ilhuit. Titzajtzitiyahuiyayaj ica paquilisti, huan tijtascamatiyayaj Toteco Dios pampa para ya tiilhuichihuayayaj.

ISAÍAS 2:3

Masehualme hualase huan quiijtose: “Xihualaca ma titejcoca ipan itepe TOTECO. Tiyase ipan itiopa nopa Dios cati elqui iTeco Jacob ten huejcajquiya. Nopona TOTECO techmachtis cati quinequi ma tijchihuaca huan tijneltocase huan tinejnemise ipan iojhui.” Pampa ipan nopa tonali, quisas itamachtil huan icamanal TOTECO ten altepet Jerusalén huan ajsis ipan nochi talme ipan taltipacti.

LUCAS 2:43

Huan quema tantoya nochi tonali ten nopa ilhuit, Jesús mocajqui ipan altepet Jerusalén huan itatahua quisque huan tacuepiliyayaj ininchaj huan amo quimatque para mocajtoya.

LUCAS 2:45

pero amo quipantijque. Yeca tacuepilijque ipan Jerusalén para quitemotij.

LUCAS 23:49

Huan nochi ihuampoyohua Jesús huan nopa sihuame cati hualajtoyaj ihuaya ten estado Galilea moquetztoyaj ica huejca, quitachiliyayaj nochi ni tamanti.