LUCAS 18:19 - Icamanal Toteco

¹⁹ Huan Jesús quiilhui: ―¿Tijmati taya quiijtosnequi para techtocaxtía nicuali? ¿Tijmachilía para san Dios nelía itztoc cuali?

LUCAS 18:19 Iomraidhean Croise

JOB 14:4

Amo aqui huelis quipantis cati tapajpactic ipan se tacat quej na cati nitacatqui ica tajtacoli.

JOB 25:4

¿Quenicatza hueli se masehuali moquetzas huan quiijtos para itztoc xitahuac iixpa Toteco Dios? Amo aqui ipan nochi taltipacti itztoc senquisa tapajpactic.

LUCAS 1:35

Huan nopa ilhuicac ejquet quinanquili: ―Itonal Toteco hualas ipan ta, huan ichicahualis Toteco Dios Cati Más Quipiya Tanahuatili mitzixtzacuas huan ticonehue tielis. Huan yeca mocone elis nelía tatzejtzeloltic, huan masehualme quiixmatise para Icone Toteco.

LUCAS 11:13

Pampa masque antajtacolchihuani, anquimatij anquinmacase amoconehua cati cuali. Huajca achi más Totata cati itztoc ilhuicac quimati quinmacas iconehua cati cuali, huan yaya quinmacas Toteco Itonal nochi cati quitajtanise.”

LUCAS 18:18

Huan hualajqui se tominpixquet huan quitatzintoquili Jesús: ―Ticuali tamachtijquet, ¿taya cati cuali monequi nijchihuas para Toteco nechmacas nemilisti para nochipa?

LUCAS 18:20

Tijmati nopa tanahuatilme: ‘Amo ximomecati, amo xitemicti, amo xitachtequi, huan amo quema xiteistacahui quema timochihua testigo. Xiquintepanita motata huan monana.’

1 TIMOTEO 3:16

Nochi quimatij para nelía hueyi nopa cati Toteco technextili para ma tijmachilica ten ya: Cristo mochijqui masehuali huan monexti campa tojuanti. Itonal Toteco technextili para yaya elqui xitahuac iixpa Toteco. Ilhuicac ehuani quiitaque. Huan taneltocani quinilhuijque miyac masehualme ipan campa hueli tali ten ya. Miyac masehualme ipan ni taltipacti quineltocaque. Huan teipa Toteco sempa quitejcolti huan quiseli ipan ilhuicac.

HEBREOS 7:26

Jesucristo yaya senquisa nopa tamanti hueyi totajtzi cati monequiyaya para tojuanti. Yaya tatzejtzeloltic huan amo quipiya tajtacoli. Amo aqui huelqui quitelhuis ica yon se tamanti cati amo cuali. Huan ama yaya itztoc iyoca ten nochi titajtacolchijca masehualme, huan quitalijtoque campa más onca tatepanitacayot nepa ipan ilhuicac.

SANTIAGO 1:17

Nochi cati yejyectzi huan cati cuali tijselíaj, techmaca Toteco cati itztoc nepa huejcapa ipan ilhuicac. Yaya cati quichijqui tonati, metzti huan nochi sitalime. Yaya amo quema mopata. Yon amo quema ajsis tonali quema techchihuilis cati amo cuali.