LUCAS 1:72 - Icamanal Toteco

⁷² Quintasojtac tohuejcapan tatahua, huan quielnamijqui nopa camanali tatzejtzeloltic cati quitencahuili Abraham.

LUCAS 1:72 Iomraidhean Croise

GÉNESIS 12:3

Niquintiochihuas inijuanti cati mitztiochihuase. Huan inijuanti cati mitztelchihuase, niquintelchihuas. Huan niquintiochihuas nochi masehualme ipan taltipacti por ta.”

GÉNESIS 22:18

Huan niquintiochihuas nochi masehualme ipan nochi talme ipan taltipacti ica moixhui pampa techneltoquilijtoc.

GÉNESIS 26:4

Huan nijchihuas ma elica nelmiyaqui moteipan ixhuihua quej sitalime ipan ilhuicac. Huan niquinmacas nochi ni talme. Nojquiya niquintiochihuas nochi masehualme ipan nochi talme ipan taltipacti por moixhui.

GÉNESIS 28:14

Moteipan ixhuihua elise nelmiyaqui quej imiyaca taltepocti cati amo aqui huelis quinpohuas. Huan mosemanase campa hueli. Yase hasta sur, huan norte, huan hasta campa quisa tonati huan hasta campa oncalaqui. Huan niquintiochihuas nochi familias ipan taltipacti ica ta huan moixhui.

1 CRÓNICAS 16:16

Quielnamiquis nopa camanali cati quichijqui ihuaya Abraham, nopa cati quitestigojquetzqui ica Isaac para quichihuilis.

SALMOS 105:42

Pampa yaya quielnamijqui cati ica mocajtoya itequipanojca Abraham.

SALMOS 106:45

Quena, quielnamiquiyaya nochi cati quintajtolcahuilijtoya para quinchihuilis. Yeca quintasojtac huan moyolcuetqui pampa tahuel quinicneliyaya.

SALMOS 111:5

Yaya quinmaca tacualisti nochi cati motemachíaj ipan ya. Huan amo quema quielcahuas cati techtajtolcahuilijtoc techchihuilis.

SALMOS 98:3

Yaya quielnamictoc cati techtencahuilijtoc pampa techicneli tojuanti tiisraelitame. Huan ama ipan nochi taltipacti quiitztoque quenicatza Toteco Dios techmaquixtijtoc tiimasehualhua.

EZEQUIEL 16:60

Pero na amo niquelcahuas nopa camanali cati nijchijqui amohuaya quema ayemo aneliyayaj tahuel miyac masehualme ica san se amoeso huan nojquiya nijchihuas amohuaya seyoc camanali cati huejcahuas para nochipa.

EZEQUIEL 16:8

“Pero más teipa quema sempa nipanoc nopona, niquinitac israelitame quej se ichpocat cati ya motantoya huan ya quipiya xihuit para monamictis. Huajca elqui quej na nijpijqui nopa ichpocat ica noyoyo huan ihuaya nijchijqui se camanal sencahuali. Huan nochi israelitame mochijque noaxcahua quej isihua se tacat mochihua iaxca. Quej nopa na, niDios Cati Más Nijpiya Tanahuatili, niquijtohua.

LEVÍTICO 26:42

huajca na niquelnamiquis nopa camanali cati nijchijqui ihuaya Abraham, Isaac huan Jacob huejcajquiya. Huan niquelnamiquis nopa tali cati niquinmacac huan quenicatza ama mocahua tasosolijtoc.

MIQUEAS 7:20

Techtiochihuas quej tiquilhui tohuejcapan tata Jacob para tijchihuasquía huan techtasojtas quej tiquilhui Abraham. Nochi cati tiquintencahuili tohuejcapan tatahua huejcajquiya para tijchihuasquía, ya nopa tijtamichihuas.

ROMANOS 11:28

Huajca ama sequij israelitame quicualancaitaj nopa cuali camanali ten Cristo, huan yeca amojuanti cati amo anisraelitame huelis anquineltocase. Pero pampa Toteco quintapejpenijtoc israelitame, noja quinicnelía pampa quej nopa quintencahuili inintatahua.

ROMANOS 9:4

Toteco Dios quintapejpeni israelitame para elise iconehua. Quinnextili itatanex. Quisencajqui camanali inihuaya. Quinmacac itanahuatil. Quinnextili quenicatza ma quihueyimatica. Huan Toteco quintencahuili miyac tamanti para teipa quinmacas.