LUCAS 1:53 - Icamanal Toteco

⁵³ Miyac tatiochihualisti Toteco quinmacatoc masehualme cati mayanayayaj, pampa quinixhuiti. Huan masehualme cati quipixque miyac tomi quinmajcajqui san inimax.

LUCAS 1:53 Iomraidhean Croise

SALMOS 146:7

TOTECO quinchihuilía cati xitahuac nochi teicneltzitzi cati sequinoc quintaijyohuiltíaj. Huan quintamaca cati mayanaj. Quinchihua ma yaca majcajtoque cati tzactoque masque amo teno quichijtoque.

SALMOS 34:10

Nopa tecuanime cati más quipiyaj chicahualisti quemantica mayantinemij huan amo quipantíaj ten quicuase, pero masehualme cati quitemohuaj TOTECO quipiyase nochi cati cuali.

EZEQUIEL 34:29

“Huan nijchihuas para nochi quiixmatise tali Israel por nopa yejyectzi tzonti cati nopona moscaltía. Huan quej nopa nomasehualhua ayecmo quipanose mayanti, yon ayecmo quinpinahualtise sequinoc talme cati fiero ininemilis.

MATEO 5:6

Xipaquica amojuanti cati ica nochi amoyolo anquitemohuaj quenicatza anquichihuase cati xitahuac. Anitztoque quej masehualme cati mayanaj huan amiquij para quichihuase cati cuali. Toteco amechixhuitis para melahuac anhuelise anquichihuase cati xitahuac.

LUCAS 1:54

Miyac techpalehuijtoc tiisraelitame pampa tiitequipanojcahua. Techtasojtatoc huan amo techelcajtoc.

LUCAS 6:21

Xipaquica amojuanti cati anmayanaj ama, pampa anixhuise. Xipaquica amojuanti cati anchocaj ama, pampa anhuetzcase.

LUCAS 6:24

Pero tahuel anteicneltique amojuanti cati miyac antominpiyaj, pampa ya anquipiyaj nochi cati cuali cati elis amoaxca.

JUAN 6:35

Huan Jesús quinilhui: ―Na nieltoc nopa tacualisti cati nitemaca nemilisti yancuic para nochipa. Cati hualas campa na huan nechneltocas, amo teno más quitemos pampa ipan iyolo ayecmo mayanas, yon ayecmo amiquis.

1 CORINTIOS 1:26

Huajca noicnihua, xiquelnamiquica para quema Toteco amechnotzqui, amo miyac amojuanti tahuel antalnamiquiyayaj quej quinpactía taltipac masehualme. Amo miyac amojuanti anquipiyayayaj chicahualisti, yon tequiticayot. Amo miyac anquipiyayayaj miyac tomi, yon amo anquipiyayayaj hueyi tatepanitacayot.

1 CORINTIOS 4:8

Nesi quej anmoilhuíaj anquipiyaj nochi cati anquinequij ten Toteco. Anmoilhuíaj antapijpixtoque. Masque tojuanti ayemo titanahuatíaj, anmoilhuíaj ya antanahuatiani. Nipaquisquía sinta nelía ya ajsitosquía nopa tonali quema Toteco amechchihuas antanahuatiani, pampa ipan nopa tonali tojuanti nojquiya tiitztose titanahuatiani huan tijpiyase tequiticayot quej amojuanti.

1 SAMUEL 2:5

Masehualme cati quipixque tacualisti hasta mocahua, ama taijyohuíaj ica mayanti. Huan cati mayanayayaj, ama hasta mocahua inintacualis. Huan nopa sihuat cati amo hueli conepiya, ama ya quinpixtoc hasta chicome iconehua. Huan nopa sihuat cati quinpiyayaya miyac iconehua, ama ayecmo teno quinpiya.