LUCAS 1:50 - Icamanal Toteco

⁵⁰ Toteco quintasojta nochi masehualme cati quitepanitaj ama, huan nochi cati teipa tacajtiyase huan quitepanitase.

LUCAS 1:50 Iomraidhean Croise

ÉXODO 20:6

Pero ica cati techicnelíaj huan cati quichihuaj notanahuatil, niquinicnelis huan niquintasojtas ininconehua, huan iniixhuihua huan hasta nopa iniixhuihua quinpiyase iniixhuihua mil huelta. Quena, notasojtacayo quinajsis para nochipa.

GÉNESIS 17:7

Huan na nijtamichihuas nochi cati nijcajtoc nocamanal para nijchihuas ica ta huan moteipan ixhuihua teipa para nochipa. Ni elis se camanal sencahuali cati amo quema tamis. Nochipa nielis nimoDios huan niininDios moteipan ixhuihua.

SALMOS 145:19

Yaya quinmaca cati quinequij nochi masehualme cati quiimacasij huan quitepanitaj. Quintacaquilía quema quitzajtzilíaj ma quinpalehui huan quinmaquixtía ten cati amo cuali.

SALMOS 118:4

Nochi amojuanti cati anquitepanitaj TOTECO xiquijtoca: “TOTECO itaicnelijcayo amo quema tamis.”

SALMOS 103:11

pampa yaya quipiya nelhueyi iyolo ica nochi cati quiimacasij huan quitepanitaj. Quena, itaicnelijcayo nelhueyi quej ihuexca ilhuicacti.

SALMOS 31:19

Pero ta, nelía hueyi moyolo ica inijuanti cati mitztepanitaj huan tiquinmocuitahuía. Nelía cuali motaicnelilis cati ticajoctoc para tojuanti cati timotemachijtoque ipan ta, tojuanti cati miyacapa titematiltijtoque para san ta tihueli techmanahuis.

SALMOS 115:13

Quena, Toteco quintiochihuas nochi cati quiimacasij huan quitepanitaj. Quintiochihuas cati huejhueyi huan cati pilquentzitzi.

APOCALIPSIS 19:5

Huan nijcajqui seyoc cati hualcamanaltic ten nechca nopa hueyi siyaj huan quiijto: “Ma tijpaquilismacaca Toteco Dios nochi tojuanti cati tijtepanitaj huan cati tiitequipanojcahua. Masque tihuejhueyi masehualme o tipisiltzitzi, nochi ma tijpaquilismacaca Toteco.”

SALMOS 147:11

Pero TOTECO quipantía miyac paquilisti ipan masehualme cati quitepanitaj. Quipantía miyac paquilisti ipan cati mochiyaj ipan ya iteicnelilis.

SALMOS 85:9

Melahuac Toteco Dios itztoc nechca para quinmaquixtis masehualme cati quitepanitaj huan quiimacasij quiixpanose. Se tonali ihueyitilis Toteco quitemitis total.

LUCAS 1:49

Quena, Toteco Cati Quipiya Nochi Chicahualisti nechchihuilijtoc huejhueyi tamanti. Tahuel tatzejtzeloltic ya.

2 REYES 17:39

San techimacasica na cati niamoTECO Dios huan na nimechmanahuis inimaco nochi amocualancaitacahua.”