LUCAS 1:30 - Icamanal Toteco

³⁰ Huan nopa ilhuicac ejquet quiilhui: ―Amo ximomajmati María. Toteco mitztapejpenijtoc para mitztiochihuas tahuel miyac.

LUCAS 1:30 Iomraidhean Croise

GÉNESIS 6:8

Pero Noé quipanti cati cuali pampa TOTECO quicualitac.

ISAÍAS 41:10

Amo ximajmahuica pampa na niitztoc amohuaya. Amo ximocuesoca pampa na niamoTeco. Nimechfuerzajmacas. Nimechpalehuis huan nimechmaitzquitos ica nonejmat cati ica nitatani.

ISAÍAS 41:14

Huan TOTECO quiijtos: “Amo ximajmahuica anisraelitame, masque anpisiltzitzi huan amo anquipiyaj fuerza, na nimechpalehuis. Na niamoTECO cati nimechcojqui para annoaxcahua. Na cati niTatzejtzeloltic huan niitztoc amohuaya anisraelitame.

ISAÍAS 44:2

NiamoTECO cati nimechchijchijqui iniijtico amonana. Na cati nochipa nimechpalehuis huan na niquijtohua. Anisraelitame, annotequipanojcahua, amo ximajmahuica. Amojuanti cati nimechtapejpenijtoc, amo teno xiquimacasica.

MATEO 14:27

Pero Jesús nimantzi technojnotzqui huan techilhui: ―Ximoyolchicahuaca. Na niJesús. Amo ximomajmatica.

MATEO 28:5

Huan nopa ilhuicac ejquet quinilhui nopa sihuame cati ajsiyayaj: ―Amojuanti amo ximomajmatica. Nijmati anquitemohuaj Jesús cati quicuamapeloltijque.

LUCAS 1:13

Pero nopa ilhuicac ejquet quiilhui: ―Zacarías, amo ximomajmati. Toteco quicactoc cati tijtajtaniyaya, huan mosihua Elisabet quipiyas se piloquichpiltzi huan tijtocaxtis Juan.

LUCAS 12:32

“Amo ximomajmatica masque amo anmiyaqui cati antechneltocaj na, pampa ica paquilisti Toteco amechcalaquis campa yaya tanahuatía.

HECHOS 27:24

‘Amo ximajmahui, Pablo, monequi tiajsiti Roma huan timonextis iixpa Tanahuatijquet César, huan pampa ta tiiaxca Toteco, yaya nojquiya quinmanahuis nochi ni masehualme cati itztoque mohuaya ipan ni cuaacali huan amo aqui miquis.’

ROMANOS 8:31

Huajca ¿taya huelis tiquijtose ica nochi ya inon? Tiquitaj Toteco itztoc tonechca para techpalehuis, huan yeca amo aqui huelis techtanis.

HEBREOS 13:6

Huajca ica miyac paquilisti sesen ten tojuanti hueli quiijtos: “Toteco nechpalehuía. Amo niquimacasis cati masehualme hueli nechchihuilise.”