LUCAS 1:13 - Icamanal Toteco

¹³ Pero nopa ilhuicac ejquet quiilhui: ―Zacarías, amo ximomajmati. Toteco quicactoc cati tijtajtaniyaya, huan mosihua Elisabet quipiyas se piloquichpiltzi huan tijtocaxtis Juan.

LUCAS 1:13 Iomraidhean Croise

GÉNESIS 17:10

Huan ya ni nopa camanali cati monequi xijchihuaca. Monequi nochi oquichpilme huan tacame ma motequilica quej nimitzilhuía.

GÉNESIS 17:19

Huan Toteco Dios quinanquili: ―¡Amo! Amo ya nopa cati nimitzilhuía. Niquijto mosihua Sara quipiyas se icone cati tijtocaxtis Isaac. Huan ihuaya ya nicompahuis nopa camanali huan inihuaya iteipan ixhuihua para nochipa.

GÉNESIS 18:14

¿Timoilhuía para onca se tamanti cati na, nimoTeco Dios, amo hueli nijchihuas? Ne se xihuit sempa nimechpaxaloqui huan Sara quipixtos icone.

GÉNESIS 25:21

Huan Rebeca amo hueliyaya conepiya huan Isaac quitajtani TOTECO por ya. Huan TOTECO quicajqui cati quitajtani huan Rebeca conecuic.

SALMOS 113:9

Yaya quichihua para nopa sihuat cati amo quema conepixqui ma quinpiya iconehua huan ichaj. Quena, quichihua ma eli se tenanti cati senpactoc. ¡Paquilisti!

SALMOS 118:21

Nijhueyimatis noTeco Dios, huan nijtascamatilis miyac, pampa nechtacaquili huan nechmaquixti ten nocualancaitacahua.

ISAÍAS 8:3

Huajca na nicochqui ihuaya nosihua cati nojquiya eliyaya se sihua tajtolpanextijquet. Huan yaya conecuic huan quitacatilti se piloquichpiltzi. Huan TOTECO techilhui: “Xijtocaxtali ‘Maher Salal Hasbaz’.

Daniel 10:12

Huan yaya techilhui: “Amo ximajmahui, Daniel, pampa hasta nopa achtohui tonali quema pejqui timosahua huan timoicnonejqui iixpa Toteco Dios quitacaquili monetatajtil. Huan pampa tijnequiyaya tijmachilis nopa tamanti cati ohui, Toteco Dios techhualtitanqui ma nihuala.

OSEAS 1:4

Huan TOTECO techilhui: “Xijtocaxtali ni conet Jezreel, pampa amo huejcahuas miyac tonali huan na niquintamiixpolihuiltis nochi iixhuihua Tanahuatijquet Jehú. Nijcuepilis por nochi nopa masehualme cati quinmicti ipan nopa tamayamit cati itoca Jezreel. Nijtamiltis itanahuatijcayo tali Israel huan ayecmo itztos se tanahuatijquet nopona.

OSEAS 1:6

Huan Gomer sempa conecuic huan quitacatilti se sihuapil. Huan TOTECO techilhui: “Xijtocaxtali ni conet Lo Ruhama, pampa ayecmo niquintasojtas nopa israelitame cati tali Israel ehuani huan ayecmo niquintapojpolhuis. Niquincahuilis sequinoc talme ehuani ma quinhuicaca huan quej nopa ixpolihuise.

MATEO 1:21

Huan María quitacatiltis se oquichpil huan tijtocaxtis: ‘Jesús’ cati quiijtosnequi: ‘Temaquixtijquet’, pampa quinmaquixtis imasehualhua ten inintajtacolhua.”

MATEO 14:27

Pero Jesús nimantzi technojnotzqui huan techilhui: ―Ximoyolchicahuaca. Na niJesús. Amo ximomajmatica.

MATEO 28:5

Huan nopa ilhuicac ejquet quinilhui nopa sihuame cati ajsiyayaj: ―Amojuanti amo ximomajmatica. Nijmati anquitemohuaj Jesús cati quicuamapeloltijque.

MARCOS 16:6

Pero nopa telpoca tacat quinilhui: ―Amo ximomajmatica. Nijmati anquitemohuaj Jesús, nopa Nazaret ejquet cati quicuamapeloltijque. Pero ayecmo aqui nica, ya moyolcuitoc. Xijtachilica campa quitectoyaj.

LUCAS 1:14

Tahuel anpaquise quema tacatis huan paquise amohuaya miyaqui masehualme,

LUCAS 1:30

Huan nopa ilhuicac ejquet quiilhui: ―Amo ximomajmati María. Toteco mitztapejpenijtoc para mitztiochihuas tahuel miyac.

LUCAS 2:21

Quema Jesús quipixtoya chicueyi tonati, quipiltequilijque nopa machiyot cati itoca circuncisión ipan ipiltacayo. Huan quitocaxtijque Jesús quej quitocaxti nopa ilhuicac ejquet quema quipaxaloto María huan noja ayemo conehue eliyaya.

HECHOS 10:31

Huan yaya nechilhui: ‘Cornelio, Toteco quicactoc quema timotatajtía ica ya huan quiitztoc quenicatza tiquinpalehuía masehualme cati teicneltzitzi.

JUECES 6:23

Pero TOTECO quiilhui: ―Ximoyoltali huan amo ximajmahui pampa amo timiquis.

1 SAMUEL 2:21

Huan TOTECO quitiochijqui Ana huan quimacac eyi ioquichpilhua huan ome isihuapilhua. Huan Samuel moscaltijtiyajqui ipan itiopa TOTECO.