LEVÍTICO 19:2 - Icamanal Toteco

² “Xiquinilhui nochi israelitame ni tanahuatilme. “Xiitztoca antatzejtzeloltique pampa na, niamoTECO Dios, nitatzejtzeloltic.

LEVÍTICO 19:2 Iomraidhean Croise

SALMOS 99:3

Nochi ma quihueyichihuaca Toteco, yaya cati hueyi huan temajmati. San ya nelía tatzejtzeloltic.

ÉXODO 19:6

Huan anelise se altepet ica seyoc xinachti masehualme cati iyoca ten nochi sequinoc. Nochi anelise totajtzitzi huan tatzejtzeloltique noixpa. Quej nopa TOTECO quiilhui Moisés ma quinilhui nopa israelitame.

ÉXODO 22:31

“Monequi anelise notatzejtzeloltica masehualhua. “Amo xiquincuaca tapiyalme cati tecuanime quinmictijtoque cuatita. Nopa nacat monequi xiquinmacaca chichime.

LEVÍTICO 19:1

Huan TOTECO quiilhui Moisés:

LEVÍTICO 20:26

Monequi xiitztoca antatzejtzeloltique noixpa, pampa na cati niamoTECO nitatzejtzeloltic. Huan nimechiyocatalijtoc ten nopa sequinoc masehualme para xielica annoaxcahua.

LEVÍTICO 20:7

“Huajca ximoiyocatalica ten ni tamanti huan xiitztoca antatzejtzeloltique, pampa na niamoTECO Dios cati nimechnahuatía.

LEVÍTICO 21:15

Pampa monequi se totajtzi quitepanitas TOTECO itanahuatil para iconehua ma elica tapajpactique noixpa. Na niamoTECO cati nimechtatzejtzelolchihua.”

LEVÍTICO 21:23

San amo hueli calaquis para quinechcahuis nopa cortina pampa amo ajsitoc itacayo, yon amo hueli monechcahuis campa nopa taixpamit. Melahuac amo hueli quichihuas nopa tequit pampa quichihuas notiopa amo tapajpactic. Na, niamoTECO, cati niquiniyocatalijtoc nopa totajtzitzi.”

LEVÍTICO 21:8

Se totajtzi monequi mocahuas taiyocatalili pampa yaya cati techmacas nopa tacajcahualisti noixpa na, niamoTeco Dios. Huajca ma mocahuaca tatzejtzeloltique nopa totajtzitzi, pampa na, niamoTECO, nitatzejtzeloltic, huan na cati nimechtatzejtzelolchihua.

AMÓS 3:3

Ome masehualme amo hueli nejnemise san sejco sinta amo san se moilhuíaj para canque yase.

MATEO 5:48

Monequi xiitztoca senquisa cuali ipan nochi cati anquichihuaj quej amoTata cati itztoc ipan ilhuicac itztoc senquisa cuali.

2 CORINTIOS 7:1

Huajca noicnihua cati nimechicnelía, pampa Toteco Dios techtencahuilijtoc para techchihuilis nochi nopa huejhueyi tamanti, ma timoiyocatalica ten nochi tamanti cati quichihuasquía amo tapajpactic totacayo o toyolo iixpa Toteco. Ma tijchihuaca campeca para tijchijtinemise cati senquisa tatzejtzeloltic iixpa Toteco pampa tiquimacasij huan tijtepanitaj.

EFESIOS 1:4

Huejcajquiya quema polihuiyaya para quichihuas taltipacti Toteco Dios techtapejpeni para teipa techtatzquiltis ipan Cristo. Quinejqui ma tiitztoca titatzejtzeloltique huan para ma amo tijpiyaca yon se totajtacol iixpa.

DEUTERONOMIO 27:10

Huajca monequi xijneltoquilica amoTECO Dios huan xijchihuaca nochi itanahuatilhua huan itamachtilhua cati ama timechnahuatijtoque xijchihuaca.”

JOSUÉ 24:19

Huajca Josué quinilhui nochi cati nopona itztoyaj: ―Amo huelis anquitequipanose TOTECO quej hueltzi, pampa yaya tatzejtzeloltic. Huan yaya amo quiijyohuía se cati quiijtohua quitequipanohua sinta nojquiya quintepanita teteyome cati amo nelía Dios. Ya nopa quicualancaita. Sinta anquitepanitaj seyoc, amo amechtapojpolhuis.

1 SAMUEL 2:2

Amo aqui seyoc cati tatzejtzeloltic quej ta, TOTECO. Amo aqui seyoc Dios. Amo aqui seyoc cati hueli temanahuía quej ta, san Toteco Dios tiiyojtzi.